Ülviyyə Könül vəkil axtarır - PREMYERA

Ülviyyə Könül vəkil axtarır - PREMYERA
26 may 2011
# 12:18
Ramilə QURBANLI

Ülviyyə Könülün sınaq işi olan “Vəkil hanı?” filmin premyerası keçirildi. Azərbaycan Mədəniyyət və Turizm Nazirliyini gənc rejissorlara göstərdiyi etimad çərçivəsində “Sınaqfilmdə” çəkilib ərsəyə gələn bu film Azərbaycan kinokomediyasında bir davamdır. Yəni demək olmaz ki, istər ssenari, istər rejissor işində bir yenilik olub. Film klassik komediyaya söykənir. Sevindirici odur ki, bu komediya özündə bir çox film çəkənlərin düşündüyü kimi şit, bayağı hərəkətləri ehtiva etmir. Əksinə, çox təbii və maraqlı cizgilərlə gülüş yaradır.

Film gündəlik həyatımızla başlayır. Bir vəkil səhər tezdən saatın zənginə yuxudan oyanır, radioda hava məlumatı, yollardakı tıxaclardan danışan aparıcının səsinin müşayəti ilə yuyunub, hazırlaşıb evdən çıxır. Həmin radio səs onu maşında da müşayiət edir. Aparıcı tıxacdan danışır, Nəqliyyat Nazirliyinin məsul şəxsi canlı efirə qoşulub deyir ki, körpülərin sayəsində, düzgün yol qovşağı yaratdığımız üçün tıxaclar aradan götürülüb, daha yollarımızda tıxaca rast gəlinmir. Vəkil də bu dəmdə tıxaca düşüb məhkəmə prosesinə gecikir. Həmkarı Nigar xanıma zəng edib prosesdə onu əvəz etməsini xahiş edir. Növbəti dəfə Nigar xanım təcili xəstəxanaya düşür. Rəşad adlı həmin vəkil onu prosesdə əvəz etməli olur. Bütün proseslərə gecikən vəkil yenə gecikdiyindən məhkəmə salonunu səhv salır və nəticədə nər kimi bir “bakılı qədeş”in məhkəməsində oriyentasiyasını dəyişmiş cinayətkarı müdafiə edir. Aləm bir-birinə qarışır, bakılı qədeş məhbəsin “lyks” kamerasında oturub vəkilin fərmanını verir.

Hadisələr o qədər dinamik dəyişir və qarışır ki, tamaşaçı arada komik situasiyala gülməyi sonradan xatırlayır. Yəni bir anlıq qeyri-adi gülüş onu həmin dinamikadan ayırır. Sonra dərhal yenə vəziyyətin içinə daxil olursan.

Sonrasını danışmayacam, yoxsa maraqsız olar. Onu deyə bilərəm ki, bu gərgin gedişin süjet xəttində bir məhəbbət xətti də var ki, hadisələri daha cəlbedici edir.

Rəşad ölümdən qurtulmaq və prosesi udmaq üçün qadın cildinə girməli olur. Onu qadın simasına salan qrim ustasının işi çox peşəkar olduğundan alqışlarla qarşılanır. Qrim və geyimdən söz düşmüşkən, məhkumun sevgilisini oynayan Naina İbrahimovanın geyimi isə heç filmlik deyildi. Aktrisa elə bil model rolunda oynayırdı, ya da çəkilişdən sonar birbaşa podiuma çıxacaqdı.
Filmin ssenari müəllifləri Elza Ağayeva və Ramiz Fətəliyevdir.
Baş rolu-vəkil Rəşadı oyanayan Bəhruz Vaqifoğlu əsil tapıntıdır. Kino üçün yaranıb, hərçənd onu Pantomima Teatrının səhnəsində də uğurlu rollarda görmüşük.

Milli Dram Teatrının səhnəsində hələ heç bir uğura imza atmayan Rövşən Kərimduxt da bu filmdə görünürdü.

Operatoru Rafiq Quliyev, rəssamı Rafiq Nəsirov, bəstəkarı Rəşad Haşımovdur.

Rejissor Ülviyyə Könül, köməkçiləri Sənubər İsgəndərli və Ənvər Həsənovdur.

Rollarda sadaladığım aktyorlardan başqa, Toğrul Rza, Səidə Quliyeva, Qorxmaz Əlili, Bəhram Bağırzadə, Fuad Osmanov və başqaları çəkiliblər.
# 1841 dəfə oxunub

Oxşar xəbərlər

Rejissor Elxan Cəfərov:   "Mənim üçün yarım milyon kino pulu deyil" - Müsahibə

Rejissor Elxan Cəfərov: "Mənim üçün yarım milyon kino pulu deyil" - Müsahibə

14:00 18 aprel 2025
Virtual qara dəlik, insel və sevgisizlik - Uşaqlar qatilə necə çevrilir?

Virtual qara dəlik, insel və sevgisizlik - Uşaqlar qatilə necə çevrilir?

12:00 18 aprel 2025
Xidmətçi qıza aşıq olan evli qadın - Ən yaxşı 10 LGBT filmi

Xidmətçi qıza aşıq olan evli qadın - Ən yaxşı 10 LGBT filmi

15:00 17 aprel 2025
Seksizm, gənclik, trend olmaq ehtirası - Maşınların doğduğu insanlar

Seksizm, gənclik, trend olmaq ehtirası - Maşınların doğduğu insanlar

12:15 17 aprel 2025
"Sanki yoxsan” filmi beynəlxalq mükafat aldı

"Sanki yoxsan” filmi beynəlxalq mükafat aldı

09:45 17 aprel 2025
""Bəlkə də..." alınmamış ekran işidir" - Sevda Sultanova

""Bəlkə də..." alınmamış ekran işidir" - Sevda Sultanova

16:08 16 aprel 2025
# # #