Salman Rüşdinin romanına film çəkilir

Kino

Ana səhifə
Kino

Salman Rüşdinin romanına film çəkilir - ANONS

26 may 2011

11:25

Şri-Lankada Salman Rüşdinin “Gecəyarısı uşaqları” (\"Midnight’s Children\") romanının ekranlaşdırılması başa çatıb.

Kulis.az-ın BBC News-ə istinadən verdiyi xəbərə görə filmin rejissoru hind əsilli kanada kinematoqrafçısı Dipa Mehtadır.

Layihə haqda hələ 2008-ci ildə məlumat verilmişdi. Bütün aktyorlar və çəkiliş qrupu flmlə bağlı hər hansı informasiya verməyəcəkləri barədə müqavilə imzalamışdılar. Bununla da yaradıcı heyət dini qruplar tərəfindən gözlənilən hər hansı protestdən qaçmaq istəyiblər.

“Dəyişikliyin küləyi” adlanacaq film 2012-ci ildə prokata çıxacaq.

Rüşdinin romanı 1981-ci ildə çap olunub. Romanın qəhrəmanı, özündə telepatik bacarıq olduğunu kəşf edən Salem Sinay anlayır ki, onunla eyni gündə dünyaya gələn bütün hinduların qeyri-adi bacarıqları var.

“Buker” mükafatına layiq görülən ”Gecəyarısı uşaqları” romanı əsasında BBC Şri-Lankada 5 seriyalı film çəkmək istəsə də, adada yaşayan müsəlmanların etirazı səbəbindən layihə baş tutmayıb.

Rəna Nevzat