“Mesenat” yeni quruluşda - AFİŞA

“Mesenat”  yeni quruluşda - AFİŞA
12 may 2011
# 14:50
Dramaturq Əli Əmirlinin milyonçu Hacı Zeynalabdin Tağıyevin ailə dramından bəhs edən “Mesenat” adlı əsəri uzun sürən fasilədən sonra Akademik Milli Dram Teatrının repertuarına bərpa olunub. 2005-ci ildə əməkdar incəsənət xadimi Bəhram Osmanovun quruluşunda səhnələşdirilmiş bu əsərdə baş rollarda xalq artistləri Nurəddin Mehdixanlı, Şükufə Yusupova, Firəngiz Mütəllimova, İlham Əsgərov, əməkdar artistlər Sənubər İsgəndərli, Mehriban Xanlarova, Kazım Abdullayev, Vəfa Rzayeva və teatrın digər aktyorları oynayırlar. “Mesenat”ın növbəti nümayişi mayın 14-ü və 26-na planlaşdırılıb.

Yeri gəlmişkən, “Mesenat” əsəri “Qafqaz” Universiteti yanında fəaliyyət göstərən Teatr studiyasının həvəskar aktyorlarının ifasında da tamaşaya hazırlanıb.

Tələbə aktyorlar xalqımızın yaddaşında xeyirxah əməlləri ilə dərin izlər buraxmış Hacının tale dramını ölkəmizin bir sıra şəhərlərində və Türkiyədə də göstərmək niyyətindədirlər. İlk tamaşa bu gün, mayın 12-də Dövlət Gənc Tamaşaçılar Teatrında olacaq. Tamaşanın quruluşçu rejissoru sənətşünaslıq namizədi Zəminə Axundovadır. Bu tamaşa rejissorun və Teatr studiyasının Əli Əmirli yaradıcılığına ikinci müraciətidir. 2010-cu ildə dramaturqun “Ağqoyunlular və Qaraqoyunlular” dramı əsasında hazırlanmış tamaşa Şamaxı, Sumqayıt, Xırdalan şəhərlərində göstərilib.

Ramilə QURBANLI
# 1762 dəfə oxunub

Oxşar xəbərlər

“Səriyyə” filminin nümayiş tarixi məlum oldu

“Səriyyə” filminin nümayiş tarixi məlum oldu

17:35 21 oktyabr 2024
"Amerikan psix" yenidən çəkilir

"Amerikan psix" yenidən çəkilir

10:30 21 oktyabr 2024
Ancelina Coli "Mariya" filminə görə Oskar qazana bilərmi?

Ancelina Coli "Mariya" filminə görə Oskar qazana bilərmi?

09:54 21 oktyabr 2024
"Otel Loo" filminin çəkilişlərinə başlanıldı

"Otel Loo" filminin çəkilişlərinə başlanıldı

13:00 19 oktyabr 2024
Mir Mövsüm Ağanı ziyarət edən dahi italyan rejissor - Bakılılar niyə soyunurdular?

Mir Mövsüm Ağanı ziyarət edən dahi italyan rejissor - Bakılılar niyə soyunurdular?

12:00 19 oktyabr 2024
Xəyal Rzanın filmi təqdim olunacaq

Xəyal Rzanın filmi təqdim olunacaq

18:10 18 oktyabr 2024
# # #