Bollivud Kanna gəldi

Kino

Ana səhifə
Kino

Bollivud Kanna gəldi

2 may 2011

12:23

“Bollivud – dünyanın ən möhtəşəm sevgi nağılı” ..

Bu, Şekhar Kapurun məxsusi olaraq Kann festivalı üçün istehsal etdiyi filmin adıdır və o, festivalın müsabiqədənkənar proqramı çərçivəsində nümayiş olunacaq.

Filmin ideyası 2010-cu ildə Kannda münsiflər heyətinin üzvü olmuş Şekhar Kapurla söhbət zamanı meydana çıxıb: “Bəlkə hind musiqili filmlərindən ən gözəl kadrların bir yerə toplandığı ekran əsəri yaradasınız?”. Bu sualdan bir neçə ay sonra “Bollivud – dünyanın ən möhtəşəm sevgi nağılı” (rejissorlar Rakeiş Omprakaş Mehra və Cef Zimbalist) filmi artıq hazır olub.

Prodüser Şekxar Kapur, rejissorlar Rakeiş Omprakaş Mehra və Cef Zimbalist bu nəfəskəsici, virtuoz montaj məhsulu ilə dünya ictimaiyyətinin gözündə Hindistanın vacib milli xüsusiyyətinə çevrilmiş, Bombeyi dünya kinosunun paytaxtlarından biri eləmiş janra- musiqili kinoya borclarını ödəyirlər.

“Biz onu sevirik. Ona nifrət eləyirik. Onu keçmişin qalığı hesab eləyirik. Onu müasir hesab eləyirik. O, bizə hava kimi vacibdi. Bəziləri deyirlər ki, o- hind xalqını birləşdirən yeganə şeydi. Başqaları deyirlər ki, o- öz ölkəsindən getmiş 25 milyon hindlinin fərqləndirici xüsusiyyəti, əlamətidi. Onların nəvə - nəticələri hələ də ona meyl edirlər. Bir sözlə, o – Bollivuddur!”

Aygün Aslanlı