Araşın Monika Belluçi ilə birgə çəkildiyi film təqdim olunacaq

Kino

Ana səhifə
Kino

Araşın Monika Belluçi ilə birgə çəkildiyi film təqdim olunacaq

1 oktyabr 2012

14:05

İranlı rejissor Bəhmən Qobadinin məşhur aktyorların iştirakı ilə çəkdiyi “Kərgədan mövsümü” filmi oktyabrın 26-da tamaşaçılara təqdim olunacaq. Baş rollarını Monika Belluçi və Bəhruz Vüsuqinin paylaşdığı filmdə türk aktyorlar Yılmaz Ərdoğan, Beren Saat, Belçim Bilginlə yanaşı 2009-cu ildə “Eurovision” təmsilçimiz olan Araş Labaf da çəkilib.

Premyerası Toronto Film Festivalında olan film 30 il həbsdə yatan iranlı şair Sahel Fərzanın həbsdən sonrakı həyatından bəhs edir.

Filmdə şair müharicətdə olan arvadı və uşaqlarını tapmaq üçün İstanbula gəlir. Sahel rolunu İran İslam Respublikasının yaranmasında 4 ay əvvəl ölkəni tərk edərək Amerikaya gedən aktyor Bəhruz Vüsuqi canlandıracaq.