İran Oskara “Nader və Simin”i göndərəcək

Kino

Ana səhifə
Kino

İran Oskara “Nader və Simin”i göndərəcək

13 sentyabr 2011

11:46

İran 84-cü Oskar mərasiminə qatılmaq üçün müraciət edib.
“Ən yaxşı xarici film” nominasiyasına Əsgər Fərhadinin “Nader və Simin” dramı iddia edəcək.

Ailənin dağılmasından bəhs edən film bu il Berlin kinofestivalında “Qızıl ayı” mükafatı almış, aktyorlar isə ən yaxşı kişi və qadın roluna görə “Gümüş Ayı”ya layiq görülmüşdü.

Hər il İrandan xüsusi komitə filmlər seçərək Kinoakademiyaya göndərir.

“Oskar”a namizədliyi sürülən ilk İran filmi 1978-ci ildə Dəryuş Mərcuinin “Dövretmə” lenti olub.

1994-cü ilə qədər isə İran kinematoqrafiyası Oskar mərasiminə qatılmaq üçün müraciət etməyib.

Yalnız İslam inqilabından sonra ilk dəfə -1994-cü ildə İran kinosunun klassiklərindən biri Abbas Kiyarostaminin “Zeytunluqdan keçərkən” filmi “ən yaxşı xarici film” nominasiyası uğrunda mübarizə aparıb.

Ümumilikdə isə indiyədək Oskara nominant almaq üçün 18 İran film mübarizəyə qatılıb. Onlardan yalnız Məcid Məcidinin “Cənnət uşaqları” ekran əsəri 1999-cu ildə nominantların siyahısına düşüb.

Rəna Nevzat