Fatih Akın kitab yazdı

Kino

Ana səhifə
Kino

Fatih Akın kitab yazdı

12 sentyabr 2011

12:13

Tanınmış rejissor həyatı, filmləri və boks macəralarından bəhs edən kitab yazıb

Türk əsilli alman rejissor Fatih Akın həyatı, filmləri və boks macəralarından bəhs edən “Filmlərin tarixçəsi” adlı kitab yazıb.

Bu həftə yayımlanacaq kitabdan bir hissə artıq “Hamburger Abendblatt” qəzetində çap olunub.

Kitabda uşaqlıq xatirələrini yada salan Akın arada evdə döyüldüyünü və alman dilini küçədə oynayarkən öyrəndiyini yazıb.

Evlərində həmişə türk dilində danışıldığını yazan rejissor məktəb xatirələrindən də həvəslə danışıb: “Anam ev tapşırıqlarımızı həmişə yoxlayırdı. Məktəbdə heç də yaxşı şagird deyildim. Sinifdə dostlarımla çox danışırdım”.

“Dostlarım tətildə olan vaxt mən səhər saat 6-da fabrikdə olmaq məcburiyyətində idim. Yenə də atama təşəkkür edirəm. Aldığım intizam və qazandığım etibar bu günkü işlərimdə də mənə yol göstərməkdədir”, -deyə rejissor 12 yaşından pul qazanmağa başladığını da vurğulayıb.

Bundan başqa, 38 yaşlı Akın məktəbi bitirənəcən Türkiyəni ancaq istirahət yeri zənn etdiyi və ölkəni “Getürkt” qısa filmi ilə kəşf etdiyini yazıb. “Nyu-York, mən səni sevirəm!” filminin çəkilişlərində iştirak rejissor tez-tez Amerikadan film çəkmə təklifləri aldığından da bəhs edib.

Fatih Akın “Divara qarşı” filmi ilə Berlin Film Festivalının əsas mükafatı “Qızıl Ayı”, “Yaşamın kıyısında” filmi ilə isə Kann Film Festivalında “Ən yaxşı ssenari” mükafatına layiq görülüb.

Günel Əsgərzadə

2214 dəfə oxunub

Paylaş

Oxşar xəbərlər

“Oskar”dan süni intellektlə bağlı mesaj - İnsan yaradıcılığı əsas olaraq qalacaq

18:40 29 oktyabr 2026

“Minions & Monsters” ekranlara qayıtdı

18:00 29 oktyabr 2026

Liv Şrayber və Stiven Qrem yeni serialda

15:30 29 oktyabr 2026

Hollivudun klassik "kino qalası" təhlükə altındadır? - “TCM”in gələcəyi sual doğurur

11:40 29 oktyabr 2026

Rüfət Əsədovun "Ananın duası" sənədli filmi Moskva Yəhudi İcmasında nümayiş olundu

10:08 29 oktyabr 2026

“Harri Potter” serialının aktyor heyəti genişlənir: Ceyms və Lili Potter də seçildi

10:40 28 oktyabr 2026

Kino