Oskar Akademiyası geri çəkildi

Kino

Ana səhifə
Kino

Oskar Akademiyası geri çəkildi

18 iyul 2011

11:33

Keçdiyimiz illərdə “Oscar” mükafatlarında “Ən yaxşı film” müsabiqəsində yarışacaq filmlərin sayında dəyişiklik edilmişdi.

Kinoakademiya 1944-cü ildən əvvəl olduğu kimi, yarışacaq filmlərin sayını 10-a qədər artırmışdı.

Ciddi mübahisələr yaradan bu dəyişiklik ləğv edilib.

Akademiya mübahisələri yatırmaq üçün “Ən yaxşı film” müsabiqəsində namizəd olacaq filmlərin seçilmə meyarlarını dəyişdirib.

Dəyişikliyə görə, səslərin 5 faizini alan kinolentlər arasından ən az 5, ən çox 10 film seçiləcək və namizəd filmlər bu şəkildə təyin olunacaq.

Beləcə, namizəd filmlərin sayı da ancaq yanvar ayında açıqlanacaq siyahıdan sonra məlum olacaq.

Yeri gəlmişkən, bu qərarın verilməsində “Oscar” yayınlarının reytinqlərinin azalmasının da payı olduğu iddia edilir.

Son illərdəki dəyişikliklərə baxmayaraq, “Oscar”ın izlənilmə payında 10 faizlik geriləmə müşahidə olunur.

Vüqar QURDQANLI