İstanbulda Türkiyənin məşhur şairin Nazım Hikmətin anadan olmasının 114-cü illiyi münasibətilə tədbir keçirilib. APA-nın yerli bürosunun məlumatına görə, İstanbulun Sarıyer bələdiyyəsinin təşkilatçılığı ilə keçirilən mərasim böyük şairin 1951-ci ildə Türkiyədən qaçdığı “Beyaz Martı” gəmisində başlayıb.

Nazim Hikmətin doğum günü üçün hazırlanmış tortu Sarıyer bələdiyyəsinin sədri Şükrü Gənclə şairin Moskvada yaşayan ögey qızı Anna Stepanova kəsiblər.

Şükrü Gənc tədbirdə çıxış edərək bildirib ki, Nazim Hikmətin vəsiyyətlərinə əməl edəcəklər. Bələdiyyə sədri şairə həsr olunmuş tədbirlərin davam edəcəyini vurğulayıb.

Mərasimdə Türkiyənin tanınmış sənət ustaları Nazım Hikmətin əsərlərinə bəstələnmiş musiqi parçalarını ifa ediblər.

Anna Stepanova APA-ya təəssüratlarını bölüşüb: “Çox xoşbəxtəm, Nazim Hikməti Rusiyada hami sevir. Onun Türkiyədə də bu qədər sevildiyini görmək məni çox sevindirdi. Bu tədbir mənim üçün sürpriz olmadı. Türkiyədən çox insan mənim evimdə olub. Nazimi çox yaxşı xatırlayıram. Mən Türkiyəni də öz Vətənim sayıram”.

Qeyd edək ki, 1938-1950-ci illərdə Bursa şəhərində həbsdə saxlanılan Nazim Hikmət əfv edilərək azadlığa çıxıb. Bir müddət İstanbulda yaşayan şair həyatına təhlükə olduğunu görərək, 1951-ci ilin avqustunda gəmiylə Rumıniyanın Kostansa limanına qaçıb. Oradan Buxarestə, sonra isə Moskvaya gedib. Moskvaya gələndən 2 gün sonra SSRİ Yazıçılar İttifaqının sədri Aleksandr Fadeyevin başçılığı ilə onun şərəfinə rəsmi qəbul keçirilib.

1963-cü il iyunun 3-də Moskvada vəfat edən Nazim Hikmət orada dəfn olunub.

• 12 il səhnəyə qadın paltarı ilə çıxan müğənni - Ona kimlər tamaşadan sonra çiçək göndərirdi?
• Əli Kərimi məğlub edən şair - Onu niyə Yazıçılar Birliyindən çıxartmaq istəyirdilər?
• İndi məkan və zaman yalnız bu dünyanın İlon Maskları tərəfindən qurulur - Laslo Krasnahorkainin Nobel nitqi