Musa Yaquba şeir həsr edildi - Deyirlər xəstədir...

<b><span style="color:red;">Musa Yaquba şeir həsr edildi  - Deyirlər xəstədir...</b>
21 may 2018
# 12:53

Kulis.az Qorxmaz Şıxəlioğlunun “Eşitdim ki, Musa Yaqub xəstələnib” şeirini təqdim edir.

Deyirlər xəstədir, yatır Buynuzda,

Halı yaxşı deyil Musa Yaqubun.

Deyirlər seçilmir yazı payızdan,

Tutulubdur göyü Musa Yaqubun.

Deyirlər əlləri göylərdə qalıb,

Palıdın, cökənin... hər axşam-səhər.

Ağaclar sevgili dostları üçün,

Allaha yalvarıb dua edirlər.

Vəhşi maralların, dağkəlilərin,

Deyirlər yuxusu ərşə çəkilib.

Təkqayada bitən tənha vələsin,

Nigaran gözləri yola dikilib.

Deyirlər İsgəndır quşları bu gün,

Yığışıb Buynuza gəlmək istəyir.

Qartallar əl çəkmir kəndin üstündən,

Şairin halını bilmək istəyir.

Deyirlər oxumur Girdiman çayı,

Daha nəğməsindən qalmayıb nişan.

Əlini qaşının üstünə qoyub,

Babadağ uzaqdan baxır pərişan.

Deyirlər Buynuzda ildırım çaxıb,

Dünən səhər-səhər, söküləndə dan.

Kimsə deyib: “Yəqin Məmməd Arazın,

Ruhu xəbər tutub şair dostundan”.

Deyirlər bir atlı çayı keçirmiş,

Qalacıq tərəfdə, düşəndə toran.

Birdən səs eşidən atlı görüb ki,

Dağlar şeir deyir Musa Yaqubdan.

O cavan atlının gözünə bir an,

Bir qoca görünüb saç-saqqalı ağ.

Qoca söyləyib ki, bu səsin, oğul.

Elə dağlar qədər ömrü olacaq.

# 1919 dəfə oxunub

Oxşar xəbərlər

Məşhur müğənniyə cinayət işi açıldı

Məşhur müğənniyə cinayət işi açıldı

10:54 19 sentyabr 2025
"Baxır, sən o xəzinədən nə "çırpışdıra" biləcəksən..." - 21-ci əsrin ən yaxşı Azərbaycan romanları

"Baxır, sən o xəzinədən nə "çırpışdıra" biləcəksən..." - 21-ci əsrin ən yaxşı Azərbaycan romanları

14:00 18 sentyabr 2025
Sakura ətirli məhəbbət romanı - Yunis Orucov

Sakura ətirli məhəbbət romanı - Yunis Orucov

17:45 12 sentyabr 2025
Həmid Herisçi elə bilir ki, AYB-yə üzv olursansa...

Həmid Herisçi elə bilir ki, AYB-yə üzv olursansa...

09:00 11 sentyabr 2025
“Ədəbi kruq”lar üslub rəngarəngliyinin və ideya zənginliyinin qarşısını alır - Anar Şamil

“Ədəbi kruq”lar üslub rəngarəngliyinin və ideya zənginliyinin qarşısını alır - Anar Şamil

10:00 6 sentyabr 2025
Başlanğıcdan sona sehrli Borxes gerçəkliyi...- Sevinc Mürvətqızı

Başlanğıcdan sona sehrli Borxes gerçəkliyi...- Sevinc Mürvətqızı

10:00 24 avqust 2025
Ana səhifə Yazarlar Bütün xəbərlər