Səfər çantasında o qızın xəyalı – Malik Atilaydan Yeni Şeirlər

Səfər çantasında o qızın xəyalı – <span style="color:red;">Malik Atilaydan Yeni Şeirlər
29 mart 2018
# 13:20

Kulis.az gənc şair Malik Atilayın yeni şeirlərini təqdim edir.

Qələndərsayağı

Dərgahdan qovulmuş qələndər kimi,

Atıb xurcunuma tənhalığımı

Gəzirəm küçə-küçə...

Bu gecə

Şüşəsinə çatlar düşmüş pəncərəni

intihar etməyə çağırır asfalt

Küləklər göylərə aparır otellərdəki

yeniyetmə qızların ağrılarını...

Buludların arxasında gizlənir

bu gecənin əməl dəftərinə

nə yazacaqlarını bilməyən çarəsiz mələklər

Hirsdən, ehtirasdan yanan gecəni

Yağış soyutmaq istəyir

Yağış damlalarıyla sinəsindən vurulur

Müəzzinin yanıqlı səsi

Deyirdi, Abbas kişi

Həyatı əzab içində keçən insanın

ölümü gözəl olmalıdı

İki dünyadan heç olmasa birində

Ədalət olduğuna inanırdı Abbas kişi

Deyirdi, öldüyün zaman

Ən çox qarışqalar və uşaqlar yeməlidir ehsanını

Deyirdi, Qurban olduğum Allah bilir hər işi

Ölümündən bir gün qabaq

Dəli olmuşdu Abbas kişi

Umudun nəğməsi

Gecə növbəsindən çıxıb evinə gələn adam

Oturub bir küncdə dizlərini ovuşdurur

Qurumuş barmaqlarıyla silərək yaşlı gözlərini

Dizlərinin üstündə

Uyutmaq istəyir canındakı ağrıları

Dodaqlarında çeynəyir

Toza-torpağa bulaşmış mahnını

"Yollara göz yaşlarımı səpmişəm

Gözəl günlər gələndə toz olmasın"

Səfər çantası

Getdiyiniz yerlərə

Bir az həsrət aparın ürəyinizdə,

Sinənizdə Xəzər qoxulu bir nəğmə çırpınsın

Ruhunuzu əmanət edin İçərişəhərə

Canınızı götürüb gedin...

Getdiyiniz yerlərə

Bu şəhərdən heç olmasa bircə küçə aparın

Yuxularınızda gəzib dolaşasız deyə

Qara gözləriylə ürəklərə yanğın salan qızın

Xəyalını da qoyun səfər çantanıza

Qürbətdə gecələr ağır olur deyirlər.

# 923 dəfə oxunub

Oxşar xəbərlər

Ədib bu hekayələrində maarifçiliyin alovlu təbliğatçısıdır - Həcər Atakişiyeva

Ədib bu hekayələrində maarifçiliyin alovlu təbliğatçısıdır - Həcər Atakişiyeva

17:30 18 iyul 2024
Sonanın erməni oğluna Bahadır atalıq edəcək - Ağa Cəfərli

Sonanın erməni oğluna Bahadır atalıq edəcək - Ağa Cəfərli

12:00 18 iyul 2024
Varis, yoxsa Seymur Baycan? - Vüqar Van cavablayır

Varis, yoxsa Seymur Baycan? - Vüqar Van cavablayır

18:20 17 iyul 2024
"Hamı bir tikə çörək dalınca qaça-qaça yorulub ölür..." - Salam Sarvan

"Hamı bir tikə çörək dalınca qaça-qaça yorulub ölür..." - Salam Sarvan

16:00 17 iyul 2024
Bəxtiyar Vahabzadəni ona görə sevirlər ki... - Rəvan Cavid

Bəxtiyar Vahabzadəni ona görə sevirlər ki... - Rəvan Cavid

15:00 16 iyul 2024
Onlar Kəramət Böyükçölün qələmini sındırmaq istəmədi - Seçkiləri "ifşa" edən yazıçımız

Onlar Kəramət Böyükçölün qələmini sındırmaq istəmədi - Seçkiləri "ifşa" edən yazıçımız

12:00 11 iyul 2024
#
#
# # #