Hacı Şahin Həsənlinin Kulis.Az-da yayımlanan “Təkamül Allahın qoyduğu nizam kimi başa düşülməlidir” məqaləsi yaradılışçılar arasında narazılıq yaradıb. Bu barədə Kulisə danışan yaradılış araşdırmaçısı Savalan Məmmədli Hacı Şahinin beş sualı cavablandırmalı olduğunu deyib:

1. Mələklər və cinlər də təkamül prosesi ilə yaradılıb?

2. Quranda bəhsi keçən hurilər hansı təkamül proseslərindən keçərək huri oldular?

3. Hz. Musanın (ə.s) əsası təkamüllə ilana çevrilib?

4. Hz. İsanın palçıqdan düzəltdiyi quş canlanana qədər hansı təkamül proseslərindən keçdi?

5. Qurandakı cənnət ağacları təkamüllə yaranıb? İddia olunduğu kimi təkamül həqiqətən Allahın yaratma qanunudursa o zaman bu iddianı irəli sürənlər yuxarıda qeyd edilən varlıqların necə yaradıldıqları haqda da açıqlama verməlidirlər.

Savalan Məmmədli Hacı Şahinin təzada düşdüyünü də qeyd edib: “Təkamül nəzəriyyəsi Allahın inkar, Quran Allahın varlığını təsdiq edir. Quranının Təkamül nəzəriyyəsini təsdiqlədiyini demək çox böyük təzaddır. İslam alimi adını daşıyan heç bir insana acizlik göstərərək Allahın varlığını inkar edən və heç bir elmi sübutu olmayan bir nəzəriyyənin Quranda təsdiqini tapdığını deməsi yaraşmaz. Allah "Bir şeyi yaratmaq istədikdə ona təkcə: “Ol!” deyər, o da olar."

• "Üzüklərin hökmdarı"nın aktyoru gizli evləndi
• Sizin Qar qızınız niyə yoxdur, bilirsiniz? - Yazıçıların Yeni il xatirələri
• Edip Akbayramın son vəziyyəti ilə bağlı açıqlama