“Öpdüyün qızların dodaqları zəhrimar dadacaq”

“Öpdüyün qızların dodaqları zəhrimar dadacaq”
16 iyul 2013
# 10:23

Şairlər

Seymur Baycana


Başının soyuq
Ürəyinin isti
Vicdanının arxayın vaxtında
Yada salacaqsan bizi, Seymur

Deyəcəksən: mənasız kədərləri vardı
Özləri öldü
Şəkillərdə kədərləri qaldı

İçdiyin şərablarla
Öpdüyün qızlarla
Çəkdiyin siqaretlərlə
Ağzına
Burnuna
Gözlərinə dolacaq xatirələrimiz

Öpdüyün bütün qızların dodaqları
Zəhrimar dadacaq
Zəhərin olacaq
İçdiyin bütün şərablar
Çəkdiyin bütün siqaretlər
Üzünə çırpılan bir ovuc su…

Qonşu otaqdan
Sənin səsinə atlanıb gələn
Qorxulu yuxulardan
Oyadanın olmayacaq…

Onda daha gec olacaq
Deyəcəksən:
İztirablarını duyacaq ürəyim vardı
Amma gözlərindəki dəhşəti görə bilmədim

Deyəcəksən:
Şair idilər, axmaq kədərləri vardı
O qədər ağlayırdılar ki
Ovuclarına tökdükləri göz yaşları
Yazdıqları sözlərdən çox idi
Deyəcəksən:
Şair idilər
Bu boyda dünyada
Ürəklərini qoymağa yerləri yox idi

# 7213 dəfə oxunub

Oxşar xəbərlər

"Milli Kitab 10-luğu" - "İblis"

"Milli Kitab 10-luğu" - "İblis"

21:40 25 mart 2025
Türk poeziyasında sufizmin inkişaf paradiqmaları - Nizami Cəfərov

Türk poeziyasında sufizmin inkişaf paradiqmaları - Nizami Cəfərov

17:10 24 mart 2025
Mühəndisin tamadaya çevrilməsi - Qızının qisasını alan ana kim idi?

Mühəndisin tamadaya çevrilməsi - Qızının qisasını alan ana kim idi?

12:00 24 mart 2025
Folklor və postmodern təhkiyə - Elnarə Qaragözova

Folklor və postmodern təhkiyə - Elnarə Qaragözova

15:00 23 mart 2025
Daim şər istəyən, ancaq xeyir törədən fəndgir Tanrı - Fəxri Uğurlu

Daim şər istəyən, ancaq xeyir törədən fəndgir Tanrı - Fəxri Uğurlu

10:00 23 mart 2025
Detektiv roman oxumaq ayıbdırmı? - Qismət Rüstəmov

Detektiv roman oxumaq ayıbdırmı? - Qismət Rüstəmov

16:00 22 mart 2025
#
#
# # #