Kulis.az Amerika komediya aktyoru Qrauço Marksın (1895 – 1977)
aforizmlərini təqdim edir:


-Üç il əvvəl mən Floridaya cibimdə bir qəpiksiz gəlmişdim. Amma indi artıq cibimdə bir qəpiyim var.

-Mən sıfırdan başladım və böyük zəhmət hesabına kasıbçılığın son həddinə gəlib çatdım.

-Pul – çox vacib zaddır, çünki onun sayəsində siz istəmədiyiniz işi etməyə bilirsiziniz. Amma mən demək olar ki, heç nə etməməyi sevmirəm.

-Mən insanların sifətini heç vaxt unutmuram. Amma sizin timsalınızda məmnuniyyətlə istisna edərdim.

-Ola bilər ki, o axmaq kimi danışır və axmaq adam təəssüratı bağışlayır. Amma siz aldanmayın: o həqiqətən axmaqdır.

-Mən sizin kitabınızı açmağa imkan tapmamış gülməkdən ürəyim getdi. Amma nə vaxtsa onu mütləq açacağam.

-Televiziya bizi maarifləndirir. Televizor açılanda mən qonşu otağa keçir və kitab oxumağa başlayıram.

-Həmsöhbətinizin vicdanlı olduğunu müəyyənləşdirməyin yalnız bir yolu var – onun özündən soruşmaq. Əgər o “hə” desə demək siz bir cüvəllağıya ilişmisiniz.

-Bu məsum sifət ona atasından yadigardır. Atası cərrah – kosmetoloqdur.

-Kişi qadının hiss etdiyi qədər gəncdir.

-Mən bir qadının arxasınca yalan olmasın iki ilə qədər, zövqlərimizin tam üst-üstə düşən tərəfi ortalığa çıxana qədər süründüm: onun da, mənim də qızlardan ötrü ürəyimiz gedirmiş.

-Hər bir uğurlu ssenaristin arxasında bir qadın dayanır. Qadının arxasında da onun arvadı.

-Hətta məni üzvlüyə qəbul etməyə hazır olan kluba heç vaxt üzv olmaram.

-Artıq baba olmağım məni qətiyyən narahat etmir. Pis olan yalnız odur ki, nənəylə evliyəm.

• Bakıda "Son zəng" - FOTOLAR
• Alman kilsəsi - Afaq Məsudun hekayəsi
• Şərq dəftəri - Sevinc Çılğının hekayəsi