Tülkü qurdu niyə tərifləyir? – Hikmət Ziyanın TƏMSİLLƏRİ

Tülkü qurdu niyə tərifləyir? – <span style="color:red;">Hikmət Ziyanın TƏMSİLLƏRİ
2 avqust 2017
# 17:32

2 avqust tanınmış təmsil ustası, şair-tərcüməçi Hikmət Ziyanın xatirə gündür. Kulis.az bu münasibətlə onun bir neçə təmsilini təqdim edir.

Dovğa və çömçə

Daşdı qazanda Dovğa,

Öyündü lovğa-lovğa:

- Görürsünüz, hamıya

Necə can yandıranam?

Taxta Çömçə nəyimdir,

Onu dolandıranam?!

Zürafə

Zürafə yarpaq yedi

Elə əyib budağı.

Unutdu birdəfəlik

O, kitab oxumağı.

Kim söyləsə: - Kitabsız

Əmr etmək olmaz axı!

Dedi: - Ekranlaşdırın,

Televizorda baxım!

Gecәquşu

Qaranlıqda Yarasa,

Quştәk uçan olurdu.

İşıqda büzüşәrәk,

Әsl Siçan olurdu.

Nağara iki əldə

Nağaraçı vuranda

Hava çaldı nağara.

Naşı əl toxunanda

Səs-küy saldı nağara.

Tülkü ikiüzlülüyü

Tülkü bacarsa, Qurdu

Didmәyә dә һazırdı.

Gәl ki, onun һaqqında

Tərifnamə yazırdı.

Mehribanlaşan keçi

Keçi yolda bir axşam

Quzu ilә öpüşdü.

Quşlar gördü, budaqda

Qәşş elәyib, gülüşdü:

Gör nә meһriban olub,

Tanımazsan onu sәn.

Yәqin azad edilib,

Keçi, vәzifәsindәn.

Ayı və kitab

Ayı dedi: - Kitabla, doğrusu yoxdur aram,

Amma, vərəqlərinə bal sürtsələr, yalaram!

Şüşə

Şüşə çilikləndi dönsün almaza,

Süpürüb yığdılar bir xəkəndaza.

Mişar həyati

Mişar -

Dişiylə yaşar.

Alma qurdu

Alma Qurdu almanı tәkcә yesәydi, nә dәrd?!

Həm dә onu içindәn çürüdürdü bu namәrd.

# 5940 dəfə oxunub

Oxşar xəbərlər

Keçmişlə indinin sərhədində: “Mənim üçün qızılgül”

Keçmişlə indinin sərhədində: “Mənim üçün qızılgül”

14:00 5 aprel 2025
"Məktəb tikdirmək istəyirsə..." - Şərurlu İsfəndiyara cavab

"Məktəb tikdirmək istəyirsə..." - Şərurlu İsfəndiyara cavab

16:18 4 aprel 2025
Pioner şeypuru və Dədə Qorqud sazı - Salam Sarvanın "tarix dərsi"

Pioner şeypuru və Dədə Qorqud sazı - Salam Sarvanın "tarix dərsi"

17:50 2 aprel 2025
"Milli Kitab 10-luğu" - "İblis"

"Milli Kitab 10-luğu" - "İblis"

21:40 25 mart 2025
Türk poeziyasında sufizmin inkişaf paradiqmaları - Nizami Cəfərov

Türk poeziyasında sufizmin inkişaf paradiqmaları - Nizami Cəfərov

17:10 24 mart 2025
Mühəndisin tamadaya çevrilməsi - Qızının qisasını alan ana kim idi?

Mühəndisin tamadaya çevrilməsi - Qızının qisasını alan ana kim idi?

12:00 24 mart 2025
# # #