Unudulmazlardan üçünə -
Eldar Baxışa, Rafiq Tağıya, Dəyanət Rzayevə
Uçulur gecə sökülən dan yerindən
uçunur toran üfüq boyunca
əcəl tək hərləyir öz oxu
Axillesdaban Yeri gündoğan yerindən
dünyaca cəh-cəhi batırırsa it səsi
sübhün azan vaxtında vaxtın azan yerindən
balıqçısı balığı
balıq yoxsa tilovu suya batırıb yesin
buruqla tor qurublar Dəmir daban yerindən
it rəddidir sahil boyu uzanıb gedir
insan izi görən yerdən qayıtdım geri
bu Tövrat bu İncil bu Quran yerindən
antik yunan attik Roma əntiq Şərq
əshabələrlə kral keçir
əsrlər keçir
qırx incəbel qızla xotkar qızı Nigar keçir
pəncərədən daş kimi gələn günəş
özünü asan yerindən
siqaret yandırır səhər
bir papiros kötüyü tək tapdanır şəhər
külqabıya dönür ölkə tiran yerindən
külək xəmir yoğurur kündə tutur dənizdə
acıb açıb kündələri yapır sahilə
zərrin ləpələr göz qaş edir sahilə göz qaş
par par yanan ehtirası gözlə bir azdan
bütün bu cahan yatıb duran yerindən
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər