Xalq şairi Fikrət Qoca balaca Alxanlə kəndində şəhid olan balaca Zəhraya şeir həsr edib. Kulis.az e-mail ünvanımıza göndərilən həmin şeiri təqdim edir.
Körpə mələk
Zəhra körpə mələkdi,
Bir qönçədi təzə, tər.
Nənə nazını çəkdi,
Sarıldı bir-birinə
Nənə, nəvə- mələklər...
Yarpaqlar pıçıldadı,
Bütün güllər, çiçəklər
Cənnət ətri saçdı.
Zəhra ilə nənəsi,
Bu cənnətə yaraşdı...
Yer üzündə, cahanda...
Bütün dinlər və dillər.
Terror mərmisi ilə
Ölən fidan körpəyə,
Zəhra- Zəhra deyirlər.
Qan ağladı çiçəklər.
Görüb günahsız qanı-
Görüb nənə-balanı,
Qan ağladı mələklər.
Düşmən bu mənzərəyə,
Top ilə atəş açdı.
Zəhra ilə nənəsi
Al qanına boyandı,
Hər yan alışdı, yandı...
Yandı çiçəklər, güllər,
Yandı sevən könüllər,
Yanır ağızda dillər.
Dünyada bütün ellər,
Zəhra-Zəhra deyirlər...
Bizi Telegram-da izləyin
t.me/kulis_az
Bizi Instagram-da izləyin
Bizi Facebook-da izləyin
Bizi Twitter-da izləyin
