Moskvada dərc olunan “Drujba narodov” jurnalının redaksiya heyətinin üzvlərindən biri də Azərbaycan yazıçısıdır.
Lent.az-ın xəbərinə görə, Xalq yazıçısı Elçin bu jurnalın Redaksiya heyətində təmsil olunur.
Yazıçı Elçindən başqa Redaksiya Heyətində Ramazan Abdulatipov, Vyaçeslav Ar-serqi, Suxbat Aflatuni, Musa Axmadov, Rezo Qabriadze, Alla Qerber, Denis Qutsko, İvan Dzyuba, Valeriy İsxakov, Aleksandr Klyaçin, Valentin Kurbatov, Olqa Lebeduşkina, David Muradyan, Zaxar Prilepin, Knut Skuenieks, Valeri Turqay, Serqey Filatov və Leonid Yuzefoviç də təmsil olunublar.
Jurnalın baş redaktoru isə Aleksandr Ebonaidzedir.
Xatırladaq ki, Xalq yazıçısı Əkrəm Əylislinin son günlər Azərbaycanda böyük rezonansa səbəbə olmuş “Daş yuxular” əsəri bu jurnalda dərc olunub.
Jurnalın redaksiya heyətinin üzvü olan Xalq yazıçısı Elçinin bu əsərin dərcindən əvvəlcədən məlumatlı olub-olmadığı isə bilinmir. Elçin hələ əsərə münasibət bildirməyib.
Qeyd edək ki, Əkrəm Əylislinin qalmaqallı əsərindən başqa, Azərbaycandan Anarın “Qırmızı limuzin” və “Ağ Qoç, Qara Qoç” əsərləri, Günel Anarqızının “Kaktus” povesti, Kamal Abdullanın şeirləri, Çingiz Abdullayevin romanı və s. ədəbiyyat nümunələri sözügedən jurnalda çap olunub.
Qeyd: Jurnalın Redaksiya Heyəti ilə tam tərkibdə bu linkdə http://magazines.russ.ru/druzhba/site/red/ tanış olmaq olar.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər