Kulis.az Mintac Elsevərin Aqşin Yeniseyin “Axı necə izah edim sənə tənhalığı” şeirinə yazdığı nəzirəni təqdim edir.
Mənə tənhalığı anladan şair!
Bilirsən, o mənim gözlərimdədi.
Mən yumuram, o açılır
doğulandan yarımçığam
bir tərəfim tənhalıq...
Adi adam kimi unudulmaqdan qorxursan?
Nə sultanlar, sərkərdələr unuduldu bilirsən...
Yenildi Sezarlar dost Brutlara
Napoleonlar Taleyranlara
sevirsənsə qorxmalısan
əksi isə tənhalıqdı unutma.
Ayrılıq
bu dünyanın ən ağır çəkilən dərdidi,
bəlkəsiz.
yaşanıb unudulacaq yeni sevgilərdi...
hər küçəsi, hər tini boşluqlardan ibarətdi.
özü unutmağı bacarmadığı kimi
sənə də kimsəni unutdurmağa
nə peyğəmbərinin nə də özünün gücü yetməz tanrının.
günahkar olmasaq da
bilməliydik,
insanlara yaxınlaşdıqca onlar daha uzaq olurlar...
təəssüf,
gözlərimiz ağlamağa
əllərimiz göz yaşlarını silməyə məhkumdu
qadınlar-yəni biz-qaranlıqdan bəyazıq,
kişilər-yəni siz-qaranlıqda gözləyirsiz
qaranlıq xəyanətin qapısıdı
Bağışlasın ilahi, biz də elə onun qədər tənhayıq...
insan hər yerdə izlənir...
insan hər yerdə izlənir...
Bizi Telegram-da izləyin
t.me/kulis_az
Bizi Instagram-da izləyin
Bizi Facebook-da izləyin
Bizi Twitter-da izləyin
