Qapı pusarkən inilti axtarmaq - İlaxır gündəliyi

Qapı pusarkən inilti axtarmaq - <span style="color:red;">İlaxır gündəliyi
14 mart 2017
# 16:55

Kulis.Az gənc şair Tural Turanın “İlaxır gündəliyi” şeirini təqdim edir.

İlk oğurluq həyəcanını

papaq atarkən yaşadıq qapılara.

Hər il saflığımızın bir tikəsi ilişib qaldı,

Qonşu pilləkəndəki tappıltılarda.

İlk oğraclığımız da

qapı pusarkən pıçıltılarda

inilti axtarmaq olmuşdu.

Səmənin taxılı sıx elədik ki,

İlimiz bərəkətli olsun.

Yumurtanı bir-birinə vura-vura

Bərəkət döyüşdürdük ovuclarımızda,

Atalarımız da it qapışdırdı,

Xoruz döyüşdürdü uduşu 5 manatdan.

İlaxır çərşənbədə fallıqlardan

ilk oğurluqlarımız başladı,

Arvadların ağızlarında manşet olduq.

Axşamına küçənin kişilərinə qoşulub

Basılmış itləri basdırmağa üz qoyduq.

Şər vaxtı toran küçələrdə traktorların

təkərlərini sökdük novruz tonqalına.

Əkinlərimiz şumsuz qaldı bu ildə...

Bu bahar zoğalımız tumurcuqlamadı nədənsə,

Təkcə iydə çiçəklədi, iydə...

Bu millət tonqalların üstündən

hoppana-hopana yüngülləşdi, əkə.

Üzümüzün həyası atılan papaqlara

Pişik, siçan leşləri qoyulanda yırtıldı.

Qapımız döyüləndə üzümüz qızarmadı,

Qapımızı döyənə söyüb, bu biri küncdə

Pəncərəmizi pusanın qapısını bağladıq.

# 1542 dəfə oxunub

Oxşar xəbərlər

Qar tanrısının qeydiyyatı haradır? - Qismət Rüstəmov

Qar tanrısının qeydiyyatı haradır? - Qismət Rüstəmov

16:25 15 iyul 2024
Onlar Kəramət Böyükçölün qələmini sındırmaq istəmədi - Seçkiləri "ifşa" edən yazıçımız

Onlar Kəramət Böyükçölün qələmini sındırmaq istəmədi - Seçkiləri "ifşa" edən yazıçımız

12:00 11 iyul 2024
Bu roman müasir Azərbaycan nəsrində mərhələ gücündədir  - İlham Əziz

Bu roman müasir Azərbaycan nəsrində mərhələ gücündədir - İlham Əziz

12:00 8 iyul 2024
Sizin o dəryada nə işiniz var idi, Varis cənabları?

Sizin o dəryada nə işiniz var idi, Varis cənabları?

14:11 6 iyul 2024
Atasına nifrət edən yazıçı - "Kişilərə dur deyin!"

Atasına nifrət edən yazıçı - "Kişilərə dur deyin!"

15:00 5 iyul 2024
Vəfanı Vəfadara çevirən üç nəslin romanı - Məti Osmanoğlu

Vəfanı Vəfadara çevirən üç nəslin romanı - Məti Osmanoğlu

17:29 4 iyul 2024
#
#
# # #