Kulis gənc şair Saqif Zeynalın şeirini təqdim edir.
Bu gecə göy üzü bulud,
Bu gecə zülmət havalı.
İçimdə baş qaldırır nələr…
Ruhum hər şeyə davalı.
Bu gecə yatağım soyuq,
Bir gəlib alsan məni -
Bu vəhşi hicranın pəncəsindən.
Bu gecə mən də buzam,
Sallanıram yatağımın pəncərəsindən…
Dünya düşür gözümdən,
Boşalan qadın döşləri kimi.
Məncə ən ağır faciədir
Kişi əllərində ölüb
Qadın sinəsində dəfin olunan döşlər…
Bir qucaq ölüm gəzdirir
Döşləri ölən qadınlar.
Kişilər çiyinlərindən,
Qadınlar ayaqlarından asılır,
Belə olur edamlar…
Kişilər qadın bədənində dolaşan əlləri ilə,
Qadınlar kişi çiyinlərindən
Yellənən ayaqları ilə əl edirlər dünyaya…
Bu gecə göy yerə yaxın,
Buludlar yerə töküləcək.
Axşam islanan göylərdən
Yenə dan yeri söküləcək…
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər