Azərbaycan Yazıçılar Birliyinin (AYB) təşkil etdiyi Ədəbiyyat Mükafatının qalibləri elan olunub.

Kulis.Az qaliblərin siyahısını təqdim edir.

Ən yaxşı nəsr əsərinə görə – Yusif Səmədoğlu mükafatına Etimad Başkeçid (“Min yol mənə söylər”) və Alpay Azər (“Şax yeriyənlər”)

Ən yaxşı poetik əsərə görə – Əli Kərim mükafatına Vaqif Bəhmənli (“Hamı”) və Mahir Qarayev (“Poetik silsilələr toplusu”)

Ən yaxşı tənqid və esseistik əsərə görə – Yaşar Qarayev mükafatına Vilayət Quliyev (“İz naslediya politiçeskoy emiqrasii Azerbaydjana v Polshe”, rusca) və Əsəd Cahangir (“Kim yatmış, kim oyaq”)

Ən yaxşı tərcümə əsərinə görə – Abbas Səhhət mükafatına Vilayət Hacıyev (F.Kafka, “Məhkəmə”, roman) və Ələkbər Salahzadə (M. Selimoviç, “Dərviş və ölüm”, roman)

Xarici ölkələrdə Azərbaycanı və ədəbiyyatımızı təbliğinə görə - Nəcəf Nəcəfov mükafatına İmdat Avşar (“Evliya Çələbinin izində Azərbaycan”, türkcə) və Mixayil Snelnikov.

AYB-nin qərarı ilə sonradan təsis olunan Bəxtiyar Vahabzadə adına Türk dünyasına xidmət mükafatı türkoloq Tofiq Məlikliyə verilib.

Vilayət Quliyev müsabiqənin qısa siyahısında Nəcəf Nəcəfov nominasiyasında təmsil olunsa da nədənsə mükafatçılar siyahısında o Yaşar Qarayev nominasiyasında adladı.

Bəxtiyar Vahabzadə mükafatı isə əvvəldən nəzərdə tutulmamış, bu mükafatın verildiyi Tofiq Məlikova verilən əsəri ilk mərhələsində müsabiqədən kənarlaşdırılmışdı.

Qalmaqallı Ədəbiyyat Müsabiqəsinin qaliblərinin axır çərşənbə günü elan olunacağı bildirilsə də qaliblərin siyahısı martın 30-da açıqlanıb.

Qeyd edək ki, Kamal Abdulla, Aqşin Yenisey, Zakir Sadatlı, Azad Qaradərəli, Əsəd Qaraqaplan və Şəhriyar Hacızadə Ədəbiyyat Müsabiqəsinin qeyri-obyektiv keçiriləcəyini əsas gətirərək müsabiqəni tərk etmişdilər.

• "Bu hekayə oxunub bitmir, insanın içində davam edir" - Sevil Hidayət
• Faşizm üzərində qələbədə Azərbaycanın rolu - Mozdokdan Berlinəcən döyüş yolu keçən azərbaycanlılar kimlər idi?
• Elə bil çay da susmuşdu - Mənzər Niyarlının hekayəsi