Federiko Qarsia Lorka (1898-1936) ispan şairi, dramaturq, musiqiçi, rəssam-qrafist. İspan ədəbiyyatında XX əsrin ən parlaq nümayəndələrindən biridir. İspaniyadakı vətəndaş müharibəsinin əvvəllərində qətlə yetirilib.
On ikidən çox şeir kitabının, on pyesin və “ Təəssüratlar və peyzajlar” adlı əsərin müəllifidir.
2003-cü ildən başlayaraq hər il İspaniyanın Qranada şəhərində Federiko Qarsia Lorka adına beynəlxalq poeziya müsabiqəsi keçirilir.
Şüalar
Aləm yelpik tək açıqdır.
Qucağını aç, qardaş.
Nöqtə boyda məqamdır
qarşıda-Allah.
Səmir
Quş yalnızlığından ötür.
Törədir hava.
Qulaqlarımızla deyil,
Eşidirik aynalarla.
YER
Biz hamımız
şəffaf şüşələrin,
kor güzgülərin
üstündə addımlayırıq.
Əgər süsənlər, qızılgüllər
ləçəkləri yerə doğru bitsəydilər
torpaq altındakı köklər
ulduzlara, zirvələrə
tamaşa edə bilsəydilər ,
adamlar gözü açıq ölsəydilər
biz qu quşları kimi doğulardıq...
Tərcümə etdi: Günel Xəzəl
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
