Bu gün Xalq şairi Qabilin anadan olmasından 91 il ötür. Kulis.az bu münasibətlə şairin "Səhv düşəndə yerimiz" şeirini təqdim edir.
Duman dağı dolanar
Qiyamət olar
Duman yola sallanar,
Müsibət olar
Müsibət oluruq biz
Səhv düşəndə yerimiz.
Ümman gəmisi çayda
Oturar üzməz!
Çay gəmisi dağ boyda
dalğaya dözməz
Dözümsüz oluruq biz
Səhv düşəndə yerimiz.
Muğan həsrət yağışa
Buludlar xəsis
Yagiş tokur talişa
hey-hey gərəksiz
Gərəksiz oluruq biz
Səhv düşəndə yerimiz.
Küt bıçaq parıldayıb
Xırçıltı salıb
Qılınc qinda pas atib
qinda kor qalib
heyf kor qalırıq biz
Səhv düşəndə yerimiz.
Ağ biləklər gül əllər
Tarlada qabar
Bir qeyrətsiz yekəpər
Qızıl gül satar
Qeyrətsiz oluruq biz
Səhv düşəndə yerimiz.
Tarin pərdələrini
Düzünə qurban
Yerdəyiş et birini
Xaric vurarsan
Xaric səslənirik biz
Səhv düşəndə yerimiz.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
