Kimin qucağında sevirsən məni? - Elvin Bakiroğlunun şeirləri

Kimin qucağında sevirsən məni? - Elvin Bakiroğlunun şeirləri
23 fevral 2016
# 16:03

Kulis Elvin Bakiroğlunun yeni şeirlərini təqdim edir.

36 yaşın şeiri

əlimi üzmüşəm yağış səsindən,

daha gün də çıxmaz yağışdan sonra.

kirayə bir evin pəncərəsindən

səni sevmək olmur bu yaşdan sonra

səni sevmək olmur yad bir ölkədə,

səni sevmək olmur tələbə kimi.

əlavə bir yüksən hər gün bəlkə də

çıxdığım altıncı mərtəbə kimi.

elə ki gözündən bir az yaş axır,

ev yiyəsi evə gələnəcəndi.

hönkürəndə səsin bayıra çıxır,

səni sevmək olmur, divar incədi.

tənhalıq üstümə it kimi hürür,

mən oldum-olmadım evdə dolaşır.

səni sevmək olmur, qonşular görür,

deyirlər bu oğlan kimlə danışır.

amma sən, bilirəm, elə indi də,

ilin bu çağında sevirsən məni.

kimin maşınında, kimin evində,

kimin qucağında sevirsən məni?..

Sağlıq

yaşamaq lazımdı həyatın acığına,

inadına yaşamaq!

eynən

əziz bir adam kimi

gözləmək lazımdı ölümü,

çünki vaxtında gələni gözləməyə dəyər.

yaşamağı bacaran

nə həyata uduzar,

nə ölümə baş əyər.

məsələn

edama məhkum olsaq,

son arzumuzu soruşsalar,

“incəldiyi yerdən qopsun” - deməyi bacarmalıyıq.

anlamalıyıq

bu dünyanın heçliyini, puçluğunu,

geci-tezi əlimizdən uçduğunu

bilməliyik ki tanrı pıçıldayır

son nəfəsini verən adamın qulaqlarına:

“reklamlar bitdi, seyrə davam”...

# 3785 dəfə oxunub

Oxşar xəbərlər

Məktub yetişmədi - Abdulla Şaiqin hekayəsi

Məktub yetişmədi - Abdulla Şaiqin hekayəsi

18:23 24 iyul 2024
"Gələcək onu ölümə tərk edəcək" - Aqşin Yenisey

"Gələcək onu ölümə tərk edəcək" - Aqşin Yenisey

11:18 24 iyul 2024
Qadınlar cəmiyyətin diktələrinə məğlub olan insanlardır - İlahə Səfərzadə

Qadınlar cəmiyyətin diktələrinə məğlub olan insanlardır - İlahə Səfərzadə

14:41 23 iyul 2024
"Dəyişən reallıqlar: Haruki Murakaminin "1Q84"ü - Adam Kirş

"Dəyişən reallıqlar: Haruki Murakaminin "1Q84"ü - Adam Kirş

13:13 23 iyul 2024
Musiqiçilərin, ədəbiyyatçıların biabırçı vəziyyəti... - 2006-cı ildən bəri qiymətlər niyə qalxmır?

Musiqiçilərin, ədəbiyyatçıların biabırçı vəziyyəti... - 2006-cı ildən bəri qiymətlər niyə qalxmır?

17:27 22 iyul 2024
Qoyuna yas saxlayan çoban - İnsanlıq necə məhv oldu?

Qoyuna yas saxlayan çoban - İnsanlıq necə məhv oldu?

16:20 22 iyul 2024
# # #