Kulis.Az gənc şairə Səkinə Qəribin yeni şeirlərini təqdim edir
***
tez qayıt, baxdığın filmlərdən,
oxuduğun kitablardan,
sevdiyin qadınlardan bir tel gətir...
qar yağsa, qardan bir ovuc götür,
bəlkə ikimizin baxdığı buluddan
düşdü bir qar dənəsi...
***
qarşılaşmırıq heç bu balaca şəhərdə,
əllərim də bapbalaca olub sən gedəli...
səni qucaqlamaq
dünyanı qucaqlamaq qədər imkansız...
***
ad günün, mən doğulan gün idi...
indi ölüm günümdür mənim,
ölmək çətindir aprelin ortasında,
yazın ayaq səsləri gələrkən...
***
ayrılıq, ayrılıq, yaman ayrılıq...
ayrılığı ölümə tay tutan şairlər,
qınayıram sizi...
ayrılığı tay tutaydız bir qədəh zəhərə,
ovuclarda daim sıxılan şüşə qırığı desəydiz...
bilmirəm mən gedim hara gecələr...
gecələr soyuq olur isti otaq
biri üçün çox darıxırsansa hələ
vurur qəlbimizə yara gecələr...
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
