Azərbaycan Yaradıcılıq Fondunun dəstəyilə çap edilmiş Rövşən Asifoğlunun “Qarabağlı Hüseynalı Bəy” romanının Bakı Beynəlxalq Multikulturalizm Mərkəzində təqdimat mərasimi keçirilib.

Tədbiri giriş sözü ilə açan AYF-nin aparat rəhbəri Qismət Rüstəmov qeyd edib ki, bu kitabın məhz cənab prezident İlham əliyevin elan etdiyi Multikulturalizm ili çərçivəsində çap olunması təsadüfi deyil. O həmçinin vurğulayıb ki, fond tərəfindən bu seriya üzrə kitabların çapı davam edəcək. Bu gün AYF tərəfindən Qan Turalının “Fələk Qırmancı” kitabı çap edilib və həmin kitab yaxın günlərdə ictimaiyyətə təqdim ediləcək.

Daha sonra çıxış edən Qarabağ qazisi Əli İsmayılov kitab barədə tədbir iştirakçılarına geniş məlumat verərək, Qarabağlı Hüseynalı Bəyin keçdiyi şərəfli həyat yolundan söhbət açıb.

Azərbaycan Respublikası Prezidenti Yanında Qeyri Hökümət Təşkilatlarına Dövlət Dəstəyi Şurasının əməkdaşı Amid Əlioğlu çıxışında qeyd edib ki, fondun başlatdığı kitab seriyası təqdirə layiqdir. O müəllifin kitabının Azərbaycan ədəbiyyatına töhfə olduğunu qeyd edərək, yazara uğurlar arzulayıb.

Dini Qurumlarla iş üzrə Dövlət Komitəsinin əməkdaşı Nərminə xanım bu kitabın gənclərin tariximizlə yaxından tanış olması sahəsində çox uğurlu vasitə olacağını bildirərək, AYF ilə Dini Qurumlarla iş üzrə Dövlət Komitəsi arasındakı əməkdaşlıqdan məmnun olduqlarını bildirib.

Sonda çıxış edən müəllif Rövşən Asifoğlu kitabın ərsəyə gəlməsində Azərbaycan Respublikasının millətlərarası, multikulturalizm və dini məsələlər üzrə Dövlət müşaviri Kamal Abdullaya və AYF-yə təşəkkürünü bildirib.

Qeyd edək ki, müəllif yaxın zamanlarda yeni kitabla oxucuların görüşünə gələcəyini bildirib.

• Xalq artisti Şeyx Əbdül: "Bu gün şəxsi məsələləri kənara qoyaq..."
• Alter-eqosu haqqında əsərləri ilə məşhurlaşan yazıçı - Markes yaxın dostu Alvaro Mutisi necə adlandırmışdı?
• Oskar namizədliyinə iddialı filmlər - Siyahı