***
Yaz, soruş ki, necəyəm,
Necə unuduluram,
Sən bilmirsən gecələr
Ölümə boğuluram.
Getmisən, soruşmursan,
Necə yaşarsan belə?
Ürəyin əlimdədi,
Ölməmisənmi hələ?
Vecinə deyil sənin
Sınmış qolum, qanadım...
Sən get özgə yoluna,
Mən səni bagışladım.
Arada soruş, görək
Həyatım necə gedir
Soruş ki, yeni eşqin
Səni çoxmu incidir?
Yorğundur həyat şair,
Özün yaxşı bilirsən
İndi gör kimlərləsən
Kimə yalan deyirsən?
Yaz ki, kimsiniz xanım
Mən sizi tanımadım.
Mən də “uyğun bir dillə”,
Özümü yada salım.
Sonra xatırladım de,
Nə çox qocalmısan de...
Yaz, soruş ki, necəyəm,
Necə unuduluram.
Mən də cavab verim ki,
Şair, çox yoruluram...
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər