“İspan yazıçı Migel de Servantes “Don Kixot”u “Koroğlu” dastanından təsirlənərək yazıb. İki əsərdə də ortaq motivlər var. Əsərə baxarkən bunu rahatlıqla deyə bilərik. Qəhrəmanlar, hadisələr və bütün motivlər eynidir”. Kulis.Az-ın verdiyi xəbərə görə, bu sözləri Abant İzzet Baysal Universitetinin türkcə təhsil kafedrasının dekanı Halit Karatay Cihan Xəbər Agentliyinə verdiyi müsahibədə deyib.

H. Karatay M. Servantesin 1571-ci ildə Korin körfəzində Osmanlı imperiyası ilə İspaniyanın apardığı dəniz müharibəsində əsir düşdükdən sonra İstanbulda yaşadığı 5 illik əsir həyatının “Don Kixot”u yazmasına təsir etdiyini bildirib: “Servantes müharibə vaxtı iki dəfə sinəsindən yaralanıb. Top gülləsiylə də sol əlini itirib və əsir düşüb. Tophanədəki Kılıç Ali Paşa məscidinin tikintisində işçi kimi çalışıb. İstanbulda beş illik əsir həyatı zamanı xalq nağıllarından və “Koroğlu” dastanından təsirlənib”.

Qərbin Şərq mədəniyyətindən təsirləndiyini sözlərinə əlavə edən H. Karatay uşaqlara yerli dastanları oxutmağın vacibliyini də qeyd edib: “Uşaqlarımıza “Robin Hud”u oxuyuruq. Ancaq “Robin Hud” da, “Don Kixot” da “Koroğlu” dastanının təsiri ilə yazılıb”.

• Kafkanın üç bacısı qaz kamerasında öldü... – Qerti Kaufman
• "Şort geyindiyimə görə Şəhidlər Xiyabanına buraxmadılar" - İDDİA
• “Maqbet”in teatr taleyi - Türkan Cəfərli