Sosialist realizmi bizim ədəbiyyatın bir hissəsidir. Onu tənqid edə, bəyənməyə, hətta ayrı-ayrı nümunələrinə ironiya ilə də yanaşa bilərik.
Amma sosrealizmi ədəbiyyat tariximizdən silmək mümkün deyil. Lakin sosrealizmə münasibətdə ən çox bu meyl-onu tarixdən silmək meyli gözə dəyir.
Halbuki partiyaya, Leninə, Stalinə yazılan şeirlərin hamısını ədəbi makulatura da adlandırmaq insafsız olardı.
Kulis.Az “Qırmızı şeirləri” rubrikasında unudulmuş o şeirləri bir daha oxucuya çatdırır.
Osman Sarıvəlli
ÜÇ SÖZ
Bir rus qadını
Doğarkən
Qıvrım saçlı bir körpəni
Nə səni düşündü
Nə məni,
Doğarkən bir körpəni...
Ana oğul doğdu,
Söz yox ki,
Bildi bunu,
Bilmədi lakin.
Onun
Rusiya üfüqündə
Parlaq bir ulduz olduğunu,
Bilmədi bunu...
Yer üzündə
Ən bəxtiyar bir ana -
Mariya Aleksandrovna
Oxşarkən əsmər saçlı,
Qaynar gözlü Volodyanı
Bilərdimi
Nurə qərq edəcək oğlu
Bu dünyanı.
Ana sevdi uşağını,
Şirindir özünə
Hər kəsin öz övladı.
Bilmədi lakin
Bayraqlarda gəzəcək
Oğlunun adı.
Hardan biləydi ana
O, təkcə oğul deyil,
Azadlıq günəşi
Doğdu cahana...
Haradan biləydi ana
Tarixin şöhrəti
Bu üç məna - bu üç sözlə
Yer üzündə yazılacaq
Minlərlə səadət kitabı:
Lenin, Oktyabr inqilabı.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər