Mədəniyyət Nazirliyinin “Söz” ədəbi layihəsinin növbəti qonağı tanınmış yazıçı, bir çox beynəlxalq mükafatlara, o cümlədən Avrasiya materikinin ədəbiyyat üzrə “LiFFt” festivallar festivalının qızıl medalına layiq görülmüş Varis Yolçuyev olub.

Kulis.azın verdiyi xəbərə görə, əvvəlcə layihənin rəhbəri Nigar Həsən-zadə qonaq barədə məlumat verib. Qeyd edib ki, Varis onun diqqətini yalnız yazdığı bestsellerlərin sayına görə cəlb etməyib. Yazıçıda onu cəlb edən həm də heç cür adi adlandırmaq mümkün olmayan ədəbi taleyi, uğura doğru şüurlu yolu, intellektual, eləcə də olduqca təsirli və dərin yazıçılıq xəttidir.

Yazıçı uğur qazanması, kütləvi oxucu sevgisi qazanması üçün yalnız əsərlərinə savadlı və maraqlı “skelet” qurmur, o, həm də hər bir əsərində sevgi, xeyirxahlıq, təəssübkeşlik, mərhəmət, habelə Vətən məfhumlarını xatırlatmağı unutmur.

Varis kitablarında xalqının, dövlətinin milli maraqlarını heç zaman unutmur, əcnəbi oxucuda bu maraqlara hörmət və ehtiram aşılayır.

“Söz” layihəsinin gecəsinə həmişəki kimi yenə də çox gözəl, intellektual auditoriya toplanmışdı. İştirakçılar müəllifin məşhur romanlarının bir-birindən maraqlı talelərini həvəslə dinlədilər.

• Bakı Bələdiyyə Teatrında premyera
• Coli və Pit cütlüyünün qızı seçimini etdi
• Azərbaycan Vaxtanqov teatr menecerləri festivalında təmsil olunacaq