Alo, mən səni görürəm - GÜNÜN ŞEİRİ

Alo, mən səni görürəm - <span style="color:red;">GÜNÜN ŞEİRİ
11 iyul 2016
# 10:54

Şeirlər vardır, yazıldığı gündən dillərə, könüllərə düşən... İllər ötüb keçsə də yaddaşın bir küncündə, dilin ucunda qalan...İnsan yaşa dolsa da heç zaman qocalmayan, hər zaman öz estetik təravətini saxlayan, vəsf etdiyi duyğular qədər təmiz, saf və əbədi olan şeirlər... Kulis.az-ın “Günün şeiri” layihəsində bu şeirlər yada salınır. Bu ölməz şeirlərə yeni könüllər, yeni könül evləri, yeni sevgilər tapmaq üçün... Şeirləri çoxaltmaq üçün...

Əlisəmid Kür. Alo, mən səni görürəm

Yuxarı mərtəbədən gələn mahnı
Ürəyimi göynədən vaxtda
əllərim qoynumda
uzanmışam çarpayıda.

Tavandan, divarlardan
Kədərli üzlər,
Dilxor maskalar asılır
Səni düşündükcə, qızım!

Hər oxunan nəğmə
Bir doğma anı yada salar,
Hər tanış səs bir doğma üzü
Canlandırar gözlərimizdə…

Telefon zəngi.
- Alo, Bakıyla danışın.
- Al-lo! Qızım, sənsənmi?!
- …
- Al-lo!

…2 min 400 kilometrlik həsrətin içindən
Qatar keçdi deyəsən.
Bir zahı bulud
Silkələdi telefon xətlərini.
Yüz saniyəlik sükutun arasına
Sığdı bir insan ömrü.

- Alo! Alo!!
- A-ta! A-ta!

…Üzün yadımdan çıxır,
İlğım axır dalğa-dalğa
Yaddaşımın dörd olmuş gözündən.
Yuxu da yalanmış, fotoşəkil də yalan…

- Alo! Alo!
- Ata, məni eşidirsən?
- Al-lo, mən səni görürəm, qızım…

# 4690 dəfə oxunub

Oxşar xəbərlər

8-ci kilometrin küçələrində dava eləmək üçün adam axtarırdıq - Kamal Abdulla

8-ci kilometrin küçələrində dava eləmək üçün adam axtarırdıq - Kamal Abdulla

12:00 22 may 2025
Zəlimxan Yaqubun şeirləri haqqında tam fərqli yazılar yazılmalıdır - Cavanşir Yusifli

Zəlimxan Yaqubun şeirləri haqqında tam fərqli yazılar yazılmalıdır - Cavanşir Yusifli

10:38 22 may 2025
Daim şər istəyən, ancaq xeyir törədən fəndgir Tanrı - Kilsədə metafizik macəra

Daim şər istəyən, ancaq xeyir törədən fəndgir Tanrı - Kilsədə metafizik macəra

09:45 22 may 2025
"Bu, Azərbaycan kişilərinin rus qadınından intiqamıdır" - Hekayə müzakirəsi

"Bu, Azərbaycan kişilərinin rus qadınından intiqamıdır" - Hekayə müzakirəsi

15:00 21 may 2025
Salam Sarvan poeziyasında sözün rəqsi və zamanın palitrası - Elmir Həsən

Salam Sarvan poeziyasında sözün rəqsi və zamanın palitrası - Elmir Həsən

11:28 19 may 2025
"O sizi bu dəfə xilas etdi, ikinci dəfə bu olmayacaq" - Xalq yazıçısı Elçin 82 yaşında

"O sizi bu dəfə xilas etdi, ikinci dəfə bu olmayacaq" - Xalq yazıçısı Elçin 82 yaşında

12:00 13 may 2025
# # #