Qoy çəksin eləcə məndəki səni  ŞEİR

Qoy çəksin eləcə məndəki səni  <span style="color:red;">ŞEİR
2 avqust 2015
# 23:01

Kulis Ayla Əliqızının “Biri xəyalını alsın, aparsın...” şeirini təqdim edir.

Biri xəyalını alsın, aparsın,

Dağlara, daşlara, boz qayalara.

Qalsın oralarda, dönməsin geri,

Anlasın təkliyi, duysun dərdimi.

Atsın əllərini tutunmaq üçün,

Bir vücud arasın sığınmaq üçün.

Qoy dadsın boşluğun acı dadını,

Xatırlasın həmən mənim adımı.

Biri xəyalını alsın, aparsın,

Ətrini içimdən çəksin, aparsın.

Al-əlvan güllərə, göy çəmənlərə,

Şehli ağaclara, tər budaqlara.

Qarışsın baharın təravətinə,

Şan olsun adımın səxavətinə.

Biri xəyalını alsın aparsın,

Çox uzaq ellərə, yad ölkələrə.

Bir doğma arasın, çırpınsın quştək,

Eşqə möhtac olsun qərib əllərdə.

Biri xəyalını alsın aparsın,

Gözlərim önündən hər addımımda.

Ürək döyüntümdən, hər nəfəsimdən,

Lap hər baxışımdan, lap hər sözümdən.

Sahibsiz buraxsın məni eləcə,

sovrulum küləklə, səssiz-dinməzcə

qarışım torpağın ovuntusuna,

dinsin acılarım, sussun beləcə.

Biri xəyalını alsın aparsın,

Bilmirəm necə...

Qoy girsin canıma, girsin qanıma,

Qoy çəksin eləcə məndəki səni.

Ayırsın ruhumdan məni var edən,

Qanıma susayan zəhər eşqini...

# 1333 dəfə oxunub

Oxşar xəbərlər

"Yaslarda yemək verməkdən imtina etmək lazımdır" - İlham Əziz

"Yaslarda yemək verməkdən imtina etmək lazımdır" - İlham Əziz

18:39 15 iyul 2025
Fraqmentar təfəkkür - Nizami Bayramlı

Fraqmentar təfəkkür - Nizami Bayramlı

19:00 14 iyul 2025
"Manipulyasiya halları özünü çox gözlətmədi..." - Elnarə Akimova

"Manipulyasiya halları özünü çox gözlətmədi..." - Elnarə Akimova

10:00 13 iyul 2025
Nizaminin "Sirlər xəzinəsi"ndə  ölüm məqamları - Fərid Hüseyn

Nizaminin "Sirlər xəzinəsi"ndə ölüm məqamları - Fərid Hüseyn

09:00 11 iyul 2025
Cenifer Lopezin konsert turu başlanıb

Cenifer Lopezin konsert turu başlanıb

17:30 10 iyul 2025
"Bu hekayə qarpız alverçilərinin etdiyi söhbətləri xatırlatdı mənə" – MÜZAKİRƏ

"Bu hekayə qarpız alverçilərinin etdiyi söhbətləri xatırlatdı mənə" – MÜZAKİRƏ

15:03 9 iyul 2025
# # #