Kulis.az Gəray Göyyurdun yeni şeirini təqdim edir.

Kəlbəcərdə dağa bükün,

Göyçədə torpağa bükün.

• Oskar mükafatlı aktyorun ölüm səbəbi məlum oldu
• Cennifer Lopez Türkiyədə konsert verəcək
• "Kapitan və Xəzər dənizi" filminin istehsalı yekunlaşıb

Ağdərədə ağa bükün,

Şuşada basdırın məni.

Cəbrayıldan gəlsin suyum,

Füzulidə nəşim yuyun.

Laçında namaza qoyun,

Şuşada basdırın məni.

Xocalını qucaqlayım,

Zəngilana çatsın hayım.

Məni Ağdamda ağlayın,

Şuşada basdırın məni.

Qoy Xankəndi anam olsun,

Araz ağlar sonam olsun.

Qubadlı son duam olsun,

Şuşada basdırın məni.

Ana yurdun Borçalısı,

Dərbəndin dəmir qapısı.

Alın düşməndən qisası,

Şuşada basdırın məni.

Savalanı taxt eyləyin,

Təbrizi ağbaxt eyləyin.

Şuşanı paytaxt eyləyin,

Şuşada basdırın məni.

• Oskar mükafatlı aktyorun ölüm səbəbi məlum oldu
• Cennifer Lopez Türkiyədə konsert verəcək
• "Kapitan və Xəzər dənizi" filminin istehsalı yekunlaşıb