Məşhur ingilis yazıçısı Corc Oruellin Hindistanda doğulduğu ev muzeyə çevriləcək.

“1984”, “Heyvanıstan” kimi məşhur romanların müəllifi həyatının ilk illərini burda keçirib.

İndi burda səliqəsizlik hökm sürür, hər yerdə ev heyvanları dolaşır. Həyətdə donuzlar uzanıb, bir küncdə əldən düşmüş iki qoca at, digər künclərdə isə çoxlu toyuq, qoyun və keçi var.

Corc Oruellin İngiltərəyə köçməzdən əvvəl yaşadığı evin qarşısında böyük anbar yerləşir. Əvvəllər isə bu anbarda tiryək saxlanılırdı.

Həmin illərdə Hindistanın şimal şərqində tiryək becərilirdi və yazıçının atası yerli Britaniya administrasiyasında tiryəkin Çinə göndərilmədən öncə saxlanılmasının təşkili ilə məşğul olurdu.

Və 100 ildən artıq vaxt keçəndən sonra onların yaşadığı ev muzeyə çevrilir. Bu evdə indi 4 ailə yaşayır. Yeni qərarla bağlı onlar köçürülür. Bu ailələrdən biri dövlət qulluqçusu Aditya Abişek, anası və kiçik qardaşıdır. O, bu evdə 29 il əvvəl doğulub:

"Bizi Corc Oruellə o birləşdirir ki, ikimiz də eyni evdə doğulmuşuq. O, məşhurlaşdı, amma mən yox”.

Abişek bu evdən köçdüyünə görə kədərlənir: “Bu evlə bağlı çox xatirələrim var. Valideynlərim burda evlənib. Burda böyümüşəm”.

Onun atası yerli məktəbdə müəllim olub və həmin evdə yaşayıb. Çünki dövlət qulluqçusu sayılırdı.

Oruellin yaşadığı ev Neapolla sərhəddə, Motihari şəhərciyində yerləşir.

Motihari Bihar ştatının ən kasıb rayonlarından biridir. Yerli əhalinin çox az qismi ingiliscə bilir, Oruell haqda isə daha az məlumatlıdırlar.

Şəhərdə kitab mağazası yoxdur, ona görə burda Oruellin də kitablarını tapmaq çətindir. Amma Motiharidə yerləşən kollecdə ingilis dili və ədəbiyyatı kafedrası var.

Kafedranın professoru İkebal Hüseyn və yeganə əməkdaşı kabineti bir neçə dahi ingilis yazıçısının portreti ilə bəzəyib.

Oruellin portreti də burda yer alıb.

- Dahi yazıçılar bütün dünyaya məxsusdur – professor deyir-Oruell təkcə Britaniyaya yox, Hindistana məxsusdur. Bütün ömrü boyu imperializmə qarşı mübarizə aparıb.

Onlar yazıçının oğlu Riçard Blerlə əlaqə quraraq, yazıçının əlyazmalarının surətini almağa ümid edirlər.

Bihar ştatının hökuməti muzeyin yaradılması üçün 150 min dollar ayırıb.

Artıq bu birmərtəbəli evdə təmir işləri başlanılıb.

• "Xəstəliyimizin müalicəsi həkim reseptindən asılı deyil..." - Niyə labirintdən çıxa bilmirik?
• Beren Saatla Kenan Doğulu saxlanıldı
• Milli Qurtuluş Gününə həsr olunan konsert keçiriləcək