Son günlərdə cəmiyyətin əsas müzakirə mövzusu olan Əkrəm Əylislinin “Daş yuxular” romanında Nuvariş Qarabağlı adlı personaj var. Bu obraz əsərin qəhrəmanı, aktyor Saday Sadıqlının həmkarıdır. Saday Sadıqlını xəstəxanaya gətirən, onun haqqında həkimə məlumat verən Nuvariş Qarabağlıdır.

Nuvariş Qarabağlı obrazı xalq artisti Nurəddin Mehdixanlının prototipidir.

Nurəddin Mehdixanlı Kulis.az-a veridiyi açıqlamada əsəri bütöv oxumadığını, yalnız mətbuatda verilən kiçik bir hissə ilə tanış olduğunu bildirdi: “Mənə heç kim deməyib ki, əsərdə mənim də obrazım var, ilk dəfədir sizdən eşidirəm. Görünür o bizim “Xəcalət” tamaşamızı ələ salıb, əgər əsərdə Mopassan Mirələmov obrazı Hüseynbala Mirələmovun prototipidirsə, yəqin ordakı aktyor da mən olaram. Mən ümumiyyətlə, Əkrəm Əylisli adlı yazıçı tanıyıram, amma belə bir azərbaycanlı tanımıram. Onun uzun tarix boyu türklərin başına gətirilənləri, türk olduğumuz üçün 20 ildən artıqdır azərbaycanlıların düşdüyü oyunları görməyibmiş, bilmirmiş kimi təhrif etməsi göstərdi ki, o, sadəcə azərbaycanlı deyil. Onun bu romanı tarixi alt-üst etdi, guya fərqli mövqe qoyub ortaya. Sual edən gərək, kimə lazım idi sənin fərqli mövqeyin. Bu əməlinin adını da qoyub yazıçı azadlığı. O azadlıq ki haqq ədaləti tapdayır, onun adı azadlıq olmur daha, dəyişir, hər şeyi öz adı ilə çağırmaq lazımdır”.

• "Üzüklərin hökmdarı"nın rejissorundan sərt cavab: "Plan doldurmaq üçün kastinq etməyəcəyik!"
• 100 il əvvəl yazılanlar... - Nəcəf bəy Vəzirovun əsərləri bu gün aktualdırmı?
• Dua Lipa qadağan olunmuş kitablardan kitabxana açdı