3 mart - Beynəlxalq Yazıçılar Günündə AMEA-nın kitabxanasında dəyirmi masa keçirlib.
Kulisin verdiyi xəbərə görə, Azərbaycan Respublikasının Prezidenti yanında Bilik Fondunun, Yaradıcılıq Fondunun və AMEA-nın ədəbiyyat institutunun təşkilatçılığı ilə “Çağdaş ədəbiyyat-problemlər və perspektivlər” mövzusunda təşkil olunmuş tədbirdə gənc yazarlar, ədəbi tənqidçilər və ali məktəblərin filologiya fakültələrinin bir qrup tələbəsi iştirak ediblər.
Müzakirəni giriş nitqi ilə açan Bilik Fondunun icraçı direktoru Oktay Səmədov çağdaş ədəbiyyatın başlıca problemlərindən danışıb. Klassik Azərbaycan ədəbiyyatı ilə müasir dövr arasında paralellər aparan natiq gənc yazarları bu aspektdən konkret təkliflərlə çıxış etməyə çağırıb.
Yazıçı, Kulis ədəbiyyat dərgisinin baş redaktoru Qan Turalının mövzu ilə bağlı məruzəsindən sonra maraqlı müzakirə başlayıb.
Yaradıcılıq Fondunun aparat rəhbəri, şair Qismət, AMEA-nın ədəbiyyat institutunun aparıcı mütəxəssisi Elnarə Akimova, yazıçı Şərif Ağayar çağdaş ədəbiyyatımızla dünya ədəbiyyatı arasındakı əlaqələr, müasir tendensiyaların yaradıcılığa tətbiqi ilə bağlı maraqlı fikirlər söyləyiblər.
Müzakirələr mövzudan mövzuya keçməklə davam edib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
