Hanı o vicdan ki... - ŞEİRLƏR

Hanı o vicdan ki... - <span style="color:red;">ŞEİRLƏR
18 sentyabr 2015
# 12:44

Kulis gənc şair Elvin Bakiroğlunun yeni şeirlərini təqdim edir

Cavabı olan suallar

Hanı?..

Hanı o şair ki haqqın ayaqlarını yuyur?

Hanı o şeir ki bir sözünü çıxarsan, ədalətin iki gözü kor olar?

Hanı o vicdan ki içində bahar şənliyi var?

Hanı o insaf ki bətnində səməni cücərir?

Hanı o göyüzü ki üstündə quşlar yallı gedir, altında ağaclar?

Hanı o yerüzü ki sərhədləri soyadından çıxarır?

Hanı o yağış ki çətirlər Tanrıya üz çevirmir, rəhmətin qapısını bağlamır?

Hanı o yol ki qayıdış fəlsəfəsini öyrədir?

Hanı o bayram ki orda qurban getmirlər?

Hanı o sevgi ki cibində ayrılığın şəxsiyyət vəsiqəsi yoxdu?

Hanı o ürək ki orda qeydiyyata alınmayıb xəyanət?

Hanı o insan ki nəfsində şeytan qəbristanlığı var?

Hanı o dost ki aynalara baxanda görmək olur?

Hanı o dünya ki dənizlərinin dalğaları köpük qusmur, insanlarının mədələri qan?

Hanı o din ki kafiri də anlaya bilir?

Hanı o dil ki bütün inkar şəkilçilərindən məhrumdu?

Hanı o tanrı ki ona hamı inanır?

Hanı?..

Hanı?..

Hanı?..

Sədaqət xala

Hamısı sənə görə oldu, Sədaqət xala

Borcluyduq sənə.

Amma alınmırdı, Sədaqət xala,

Vallah alınmırdı.

Bir Allah bilirdi anam nə çəkir…

Sənə görə özünə vaxt tapa bilmirdi,

Boş vaxtlarında ya fikir eləyirdi ya zikr.

Səndə Həzrəti Eyyub səbri hardaydı?

Niyə belə elədin, Sədaqət xala?

Niyə girdin yuxularımıza?

Niyə anlamadın bizi?

Niyə inanmadın “yoxdu”larımıza?

Axı sən tək deyildin,

Bütün banklar Sədaqət xalaydı, Sədaqət xala.

Səndən sonra getmədi

Canımdakı Sədaqətfobiya.

Hamısı sənə görə oldu, Sədaqət xala

Sevdiyim qızlar sədaqətsiz çıxdılar…

***

Harda qalırsan görən,

Ev-eşiyin necədi?

Xoşbəxtsənmi, düzün de,

Sən gözlərinin cəddi.

O, sənə toxunanda

Mən yadına düşürəm?

O, yaxşı öpür yoxsa

Mən yaxşı öpüşürəm?

Hansımız sənin üçün

Səncə öldü və öldü.

Onsuz da ölməliydi,

Ondan əlavə öldü…

# 2068 dəfə oxunub

Oxşar xəbərlər

Guya ölkədə bundan başqa sözün düzünü yazan yox imiş - Ulucay Akif

Guya ölkədə bundan başqa sözün düzünü yazan yox imiş - Ulucay Akif

12:20 22 iyul 2024
Sevinc Nuruqızının yubileyinə... - Sədaqət Əhmədova

Sevinc Nuruqızının yubileyinə... - Sədaqət Əhmədova

11:49 22 iyul 2024
Molla Pənah Vaqif haqqında deyilənlər, yazılanlar və gerçəklər

Molla Pənah Vaqif haqqında deyilənlər, yazılanlar və gerçəklər

11:57 21 iyul 2024
Çox da dərinə getmə! - Vaqif Poeziya Günlərindən qeydlər

Çox da dərinə getmə! - Vaqif Poeziya Günlərindən qeydlər

11:30 20 iyul 2024
"Əkinçi"nin layiqli davamçısı - Şahnaz Şahin

"Əkinçi"nin layiqli davamçısı - Şahnaz Şahin

16:56 19 iyul 2024
Ədib bu hekayələrində maarifçiliyin alovlu təbliğatçısıdır - Həcər Atakişiyeva

Ədib bu hekayələrində maarifçiliyin alovlu təbliğatçısıdır - Həcər Atakişiyeva

17:30 18 iyul 2024
# # #