Bətnimdə körpələrin matəmi - Sevinc Çılğından YENİ ŞEİR

Bətnimdə körpələrin matəmi - <span style="color:red;">Sevinc Çılğından YENİ ŞEİR
12 mart 2015
# 14:34

Kulis Sevinc Çılğının yeni şeirini təqdim edir.

İndi inandığım şeylərin yalan olduğuna inandırıram özümü

Günəşin gecələr, ayın gündüzlər göründüyü fəsildəyəm

Yolları yağış

Döngələri kölgələr gizlədir

Və mən

İnandığım şeylərin yalan olduğuna inandırıram özümü...

Bir dostum vardı

Savaşda güllələnmədi

Qəzada ölmədi

Nə uzun sürən xəstəlik

Nə əcəl aldı canını

Ayrılıqdan can verdi

Bütün ömrünü bir dəli sevdaya bağışladı

Və mən

İndi

İnandığım şeylərin yalan olduğuna inandırıram özümü...

Bir evim olsun istədim

Pəncərələrindən bulud ötən

Bacası tüstülü

Kandarında küçüklər oynaşan

Gecələr aya

Gündüzlər günəşə baxan çiçəkləri xəyal etdim bağçamda

Nə günəş doğdu

Nə ay

Nə bir küçük süləndi kandarımda

Bacamın tüstüsü olmadı buludlara qarışa

Nə də özüm bir evə sığdım...

Və mən indi

İnandığım şeylərin yalan olduğuna inandırıram özümü...

Qulaqlarımda

Bir dostun ölüm marşını vıyıldayır küləklər

Bətnimdə yarım qalan körpələrin matəmi...

Dizlərimi qarnıma sıxıb

Aksak ritmlərdə yırğalanan ruhuma

İnandığım şeylərin yalan olduğunu pıçıldayıram

Və mən indi

Bir dostun ölüm yuxusunda

Göydən düşən almaları qoxlayıram

# 1222 dəfə oxunub

Oxşar xəbərlər

"Burada insan özünü nə zamana, nə də məkana aid hiss edir" - İlahə Səfərzadə

"Burada insan özünü nə zamana, nə də məkana aid hiss edir" - İlahə Səfərzadə

15:30 18 iyul 2025
Qadağalar, təqiblər, həbslər... - Güney Azərbaycanın sistemə meydan oxuyan yazıçıları

Qadağalar, təqiblər, həbslər... - Güney Azərbaycanın sistemə meydan oxuyan yazıçıları

15:03 16 iyul 2025
"Yaslarda yemək verməkdən imtina etmək lazımdır" - İlham Əziz

"Yaslarda yemək verməkdən imtina etmək lazımdır" - İlham Əziz

18:39 15 iyul 2025
Fraqmentar təfəkkür - Nizami Bayramlı

Fraqmentar təfəkkür - Nizami Bayramlı

19:00 14 iyul 2025
"Manipulyasiya halları özünü çox gözlətmədi..." - Elnarə Akimova

"Manipulyasiya halları özünü çox gözlətmədi..." - Elnarə Akimova

10:00 13 iyul 2025
Nizaminin "Sirlər xəzinəsi"ndə  ölüm məqamları - Fərid Hüseyn

Nizaminin "Sirlər xəzinəsi"ndə ölüm məqamları - Fərid Hüseyn

09:00 11 iyul 2025
#
#
# # #