“Buker” mükafatının qısa siyahısı açıqlandı

“Buker” mükafatının qısa siyahısı açıqlandı
10 sentyabr 2014
# 10:48

Böyük Britaniyanın “Buker" mükafatının jürisi qısa siyahını elan edib. Kulis.azın “The Guardian” qəzetinə istinadən verdiyi xəbərə görə, mükafatın təşkilatçıları bu il ilk dəfə dil və milli məhdudiyyətləri götürüblər. Siyahıda 6 müəllif var.

Əvvəllər “Buker”ə yalnız ingilis dilində çap olunmuş, Böyük Britaniya və onun keçmiş müstəmləkələrinin nümayəndələri əsərlər göndərə bilərdi. Bu il isə mükafata ilk dəfə 13 Amerika yazıçısı da qatılıb.

Uzun siyahıya dörd, qısa siyahıya isə iki amerikalı düşüb.

Jürinin sədri, filosof Entoni Qreylinq deyib ki, qısa siyahıda güclü və düşündürücü əsərlər var: “Bu siyahı ingilis dilindəki müasir prozanın dərinliyini və bütün diapazonunu göstərir”.

Qısa siyahıya düşən amerikalı yazar Coşua Ferrisin ilk romanı “Və heç kəs qalmadı” 2007-ci ildə yayımlanıb. Onun yeni əsəri “Uyğun zamanda yenidən ucalmaq” gündəlik məişətdən, onun bozluğundan bezən stomatoloq-ateistdən bəhs edir. Britaniya tənqidçiləri bu əsəri “ilahi triller” adlandırıblar.

Mükafata iddia edən digər amerikalı isə fantastik, fentezi və psixoloji proza yazan Coy Faulerdir. Yazıçının Buker uğrunda mübarizə aparan “Biz hamımız özümüzdə deyilik ” romanı uşaqlar üzərində psixoloji eksperimentlər aparan valideynlərdən bəhs edir.

Siyahıda üç Britaniya müəllifi yer alıb. Onlardan biri “Buker-2010”-un laureatı Hovard Ceykobsondur. O, müsabiqəyə keçmişdən danışmağın yasaq edilməsindən bəhs edən antiutopik “J” əsərini təqdim edib.

İngiltərədə işləyən hindu Nil Mahercinin “Özgələrin həyatı”, şotland Ali Smitin “How to be Both” romanı da qısa siyahıdadır.

Siyahıda sonuncu yerdə Avstraliya yazıçısı Riçard Flanaqanın əsəri dayanır.

“Buker-2014”-ün qalibi oktyabrın 14-də Londonda açıqlanacaq.

# 3286 dəfə oxunub

Oxşar xəbərlər

"Kamal Abdulla milli-mədəni kodlar yaradır" - O, labirintdən niyə çıxmaq istəmir?

"Kamal Abdulla milli-mədəni kodlar yaradır" - O, labirintdən niyə çıxmaq istəmir?

15:00 15 sentyabr 2025
Sakura ətirli məhəbbət romanı - Yunis Orucov

Sakura ətirli məhəbbət romanı - Yunis Orucov

17:45 12 sentyabr 2025
Həmid Herisçi elə bilir ki, AYB-yə üzv olursansa...

Həmid Herisçi elə bilir ki, AYB-yə üzv olursansa...

09:00 11 sentyabr 2025
“Ədəbi kruq”lar üslub rəngarəngliyinin və ideya zənginliyinin qarşısını alır - Anar Şamil

“Ədəbi kruq”lar üslub rəngarəngliyinin və ideya zənginliyinin qarşısını alır - Anar Şamil

10:00 6 sentyabr 2025
Başlanğıcdan sona sehrli Borxes gerçəkliyi...- Sevinc Mürvətqızı

Başlanğıcdan sona sehrli Borxes gerçəkliyi...- Sevinc Mürvətqızı

10:00 24 avqust 2025
"Bomboz həyat bağrımı çatladacaq..." -   “Tütək səsi”nin Cəbrayıl rolunu  niyə Şahmar Ələkbərova vermədilər?

"Bomboz həyat bağrımı çatladacaq..." - “Tütək səsi”nin Cəbrayıl rolunu niyə Şahmar Ələkbərova vermədilər?

10:00 23 avqust 2025
Ana səhifə Yazarlar Bütün xəbərlər