İsveçrədə yaşayan yazıçı Əli Əkbər, bu ildən etibarən Sürix Universitetinin fəlsəfə fakültəsində oxuyacaq. Alman, ingilis dilləri və ədəbiyyatı ixtisas üzrə təhsil alacaq yazıçı, məqsədinin hər iki dili mükəmməl öyrənmək və linqvist diplomu almaq olduğunu bildirib: "Dillərə yatqın beynim var. Rus, Türk və Azərbaycan dillərinin üçünü də eyni səviyyədə bilirəm. Amma burada - İsveçrədə bu dillərin heç biri ilə gələcək qurmaq olmaz. Alman dilinin C1 dərəcəsini də tamamlayaraq, sertifikat alsam da, bunu yetərli saymıram. Bir dili öyrənməkdən ötrü, akademik çevrəyə düşməliyəm. Türk dilini mükəmməl bilməyimi də Türkiyədə universitet təhsilimə borcluyam. Oxumaq heç bir yaşda gec deyil, 36 yaşım var və qərar verdim ki, bu iş kursla-filan alınan deyil. Universitet dəhlizlərinə ehtiyacım var. Bu səbəbdən ingilis və alman dillərini və ədəbiyyatını seçdim".

Yaradıcılıq planlarından danışan Əli Əkbər, İsveçrədə nəşri gözlənilən romanı haqda da məlumat verdi: "Kəsişmə adlı roman gələn həftə artıq çapa gedir, redaktə işləri tamamlandı. Roman Zürichdəki Kameru nəşriyyatı tərəfindən çap olunur. Oktyabr ayının 8-dən 12-ə kimi roman Frankfurt Kitab Yarmarkasında, Kameru nəşriyyatının stendində təqdim olunacaq. Orada avtoqraf günləri də nəzərdə tutulub. O dövrdə Frankfurtda olacaq hər kəsi, görməyə şad olardım. Daha sonra ikinci və böyük təqdimat Sürix Oxu Festivalı çərçivəsində, oktyabr ayının 25-i axşam saat 18.00-da keçiriləcək. O gün də Zürichdə, Paradeplatz-da olan hər kəsi təqdimata və sonrasında təşkil olunacaq "party"-yə dəvət edirəm."

Əli Əkbərin "Kəsişmə" romanı Qız Qalasının tarixindən bəhs edir.

musavat.com

• Mollanəsrəddinçi “Şeypur” jurnalı
• İzabel Alyende bir milyon avroluq mükafat qazandı — Romanını təxəllüslə təqdim etmişdi
• Jay-Z "Super Bowl" şousunda səhnəyə çıxacaq - İlk dəfə