İki gün sonra MKM-in qalibləri elan olunacaq

Ədəbi tənqid

Ana səhifə
Ədəbi tənqid

İki gün sonra MKM-in qalibləri elan olunacaq

3 iyun 2013

09:26

İyunun 5-i saat 19.00-da Milli Kitab Mükafatı (MKM) qaliblərinin adları açıqlanacaq. Tədbir “Park İnn” otelinin Dan Ulduzu zalında keçiriləcək.

Giriş sərbəstdir.

1-ci yerin qalibi 3000 min, 2-ci yerin qalibi 2000 min, 3-cü yerin qalibi isə 1000 manat pul mükafatı ilə təltif olunacaq. Qaliblərin kitabları həm kağız həm elektron formatda çap olunacaq. Əlavə olaraq, ən yaxşı uşaq nağılının müəllifinə 300 manat, ən yaxşı gənc yazara 300 manat və ən yaxşı şeirə görə 300 manat məbləğində mükafat veriləcək.

Mükafatın münsiflər heyəti belədir: Çingiz Abdullayev, Pərviz Cəbrayıl, Nərgiz Cəlilova, Rafiq Əliyev, Mehriban Ələkbərzadə, Əkrəm Əylisli, Ramiz Fətəliyev, Cəmil Həsənli, Şahbaz Xuduoğlu, Rüstəm İbrahimbəyov, Hamlet İsaxanlı, Elxan Qaraqan, Niyazi Mehdi, Rəşad Məcid, Afaq Məsud, Qənirə Paşayeva, Sabir Rüstəmxanlı, Ayaz Salayev və Elçin Şıxlı.

MKM Azərbaycanın ədəbiyyat sahəsində ən böyük layihəsidir. MKM 2009-cü ildə “Əli və Nino” Nəşriyyat evi tərəfindən təsis edilib və qısa bir müddət ərzində media və cəmiyyətdə çox geniş rezonans doğurub. Mükafatın əsas məqsədi ictimai diqqətin Azərbaycan ədəbiyyatına cəlb edilməsi, ədəbi əsərlərin üzə çıxarılması və stimullaşdırılmasıdır.

Layihənin baş sponsoru “Bakcell” şirkəti, rəsmi sponsoru “Bank Respublika” ASC və “Əli və Nino” Nəşriyyat evidir.