Elə sehr tapaq ki - ŞEİR

Elə sehr tapaq ki - ŞEİR
16 iyun 2017
# 12:59

Kulis.az Qalib Bəhramın şeirlərini təqdim edir.

Bütün həftələr sənli

birinci gün, günəş doğsun,

yemləyək, pəncərəmizə

qonmuş tənha sərçələri.

ikinci gün,

xatirələr düşsün yada,

yorulmadan,

gəzək doğma küçələri.

üçüncü gün, kitablardan

baş qaldıra bilməyək.

elə bir sehr tapaq ki,

heç vaxt, heç vaxt ölməyək

dördüncü gün, qonaq gedək

gözləri yol çəkənlərə,

gülümsəyib salam verək

yolumuzdan ötənlərə.

beşinci gün, heç qalxmayaq

isti yatağımızdan,

səmaya sevgi göndərək

kiçik otağımızdan.

bütün günü əllərim

saçlarınla rəqs etsin,

dünya ki, bizim deyil

axı nəyimizə gərək,

kimlər gəlsin, kim getsin

şənbələri sərxoş olaq,

içib ucuz araqları.

bazarları yağış yağsın,

yusun bütün günahları

Qarağac meşəsində payız

(Abbas Kiarostaminin ölümünə)

Ağaca mişar dəydi,

Kəsildi budaqları.

Öpdü yer kürəsini,

Qarağac yarpaqları.

Bir ağac da azaldı,

Bəşəriyyətin yükü.

Havada rəqs elədi,

Sarı yarpaq, quş tükü.

Sonra da yağış yağdı,

Yudu quş günahların.

İnsanlar apardılar,

Kəsilmiş budaqları.

# 1988 dəfə oxunub

Oxşar xəbərlər

Tənqidçi sadə söz adamıdır, başqa heç nə... - Cavanşir Yusifli

Tənqidçi sadə söz adamıdır, başqa heç nə... - Cavanşir Yusifli

11:00 27 aprel 2025
Milli düşüncə tariximizdə Mir Cəlal - Elnarə Akimova

Milli düşüncə tariximizdə Mir Cəlal - Elnarə Akimova

14:00 26 aprel 2025
İndiki yazıların çoxunu o qəzet-jurnalların qapısından buraxmazdılar - Fəxri Uğurlu

İndiki yazıların çoxunu o qəzet-jurnalların qapısından buraxmazdılar - Fəxri Uğurlu

10:00 26 aprel 2025
Məmməd Orucla bir gün... - VİDEO

Məmməd Orucla bir gün... - VİDEO

09:40 23 aprel 2025
"Kəramətin üzünə gülən dostları əl altından qarşı tərəfə işləyir" - Rasim Qaraca

"Kəramətin üzünə gülən dostları əl altından qarşı tərəfə işləyir" - Rasim Qaraca

14:20 21 aprel 2025
“Beyrək” pyesində postmodernlə antik mətnlərin dialoqu - Elnarə Qaragözova

“Beyrək” pyesində postmodernlə antik mətnlərin dialoqu - Elnarə Qaragözova

16:40 16 aprel 2025
#
#
# # #