Kulis.az Nazim Əlioğlunun haykularını təqdim edir.
Meh qovub bürkünü,
Ötür qurbağaların xoru -
Yovşan ətirli axşam
***
Ayrılır ərlə arvad-
Ağlayır bir cüt körpə.
Ürəyi yaşarır övladsız hakimin.
***
Sevilməmiş qadının
Təsbehidir xatirələri.
Çevirər hər gün...
***
Gölə daş atdılar,
Qırıldı mahnısı qurbağaların,
Suya döndü göz yaşları...
***
Yetişmiş narı,
Dərmədilər vaxtında.
Narın bağrı çatladı...
***
Gözü ayağının altını seçmədi-
Bilmədi ki, dünyada qarışqa da var.
Məzarını tapdaladı qarışqalar!
***
Şair dostlar!
Dincə qoyun köhnə qafiyələri.
Şeirləriniz yorulan torpaq kimidir...
Bizi Telegram-da izləyin
t.me/kulis_az
Bizi Instagram-da izləyin
Bizi Facebook-da izləyin
Bizi Twitter-da izləyin
