Akademik Milli Dram Teatrında xalq şairi Sabir Rüstəmxanlının 70 illiyi münasibəti ilə yubiley tədbiri keçirilib.

APA-nın məlumatına görə, tədbirdə baş nazirin müavini, xalq yazıçısı Elçin Əfəndiyev, mədəniyyət və turizm naziri Əbülfəs Qarayev, millət vəkilləri Qüdrət Həsənquliyev, Qənirə Paşayeva, Adil Əliyev, Müsavat Partiyasının sabiq başqanı İsa Qəmbər və başqaları iştirak edib.

Yazıçılar Birliyinin katibi İlqar Fəhmi S. Rüstəmxanlını birliyin rəhbərliyi və üzvləri adından təbrik edib, yubilyarı Azərbaycan ədəbiyyatı və ictimai həyatının nüfuzlu xadimi kimi dəyərləndirib.

Türkiyəli şair Özcan Ünlü, Tatarıstanın xalq şairi Robert Milnuri, "Xudojestvennaya literatura" nəşriyyatının direktoru Georgi Pryaxun və başqaları S. Rüstəmxanlının Azərbaycanın və türk dünyasının ictimai və ədəbi həyatında oynadığı roldan danışıblar.

Yubiley mərasimində S. Rüstəmxanlının sözlərinə yazın mahnılar ifa olunub, şeirləri səsləndirilib.

S. Rüstəmxanlı tədbirdə iştirak edənlərə təşəkkürünü bildirib, 70 illik həyatında insanların sevgisini qazandığına görə özünü xoşbəxt hiss etdiyini qeyd edib:"Bu günlərdə Azərbaycan mətbuatında mənim haqqımda çoxsaylı yazılar yazılıb və bu yazıların heç biri saxta, boğazdan yuxarı deyil. Sevinirəm ki, bu sevgini qazanmışam. Bundan böyük xoşbəxtlik yoxdur. Bu tədbirdə bütün türk dünyasından qonaqlar iştirak edir. Əziyyət çəkib gələn, məni qiymətləndirən hər kəsə minnətdarlığımı bildirirəm".

• Bir-birinə xəyanət edən ər-arvadın sevgisi
• Monika Belluççi, Penelopa Kruz, Pərvin... - Pərvin Abıyeva niyə dünya ulduzu ola bilmədi?
• Çılpaqlar düşərgəsinə gedən, iki rəfiqə ilə məktublaşan yazıçı - O, Fələstində kiminlə restoran açmaq istəyirdi?