Kulis.az Nəsimi Nəbizadənin “Ən qısa hekayə” müsabiqəsinə göndərdiyi “Birka” (484 işarə) hekayəsini təqdim edir.
Anamın sandığını heç vaxt da ağzı bağlı görməmişik. Amma mən, bacım və qardaşım heç vaxt o sandığa yaxın getməz, açmazdıq.
Bu yaxınlarda bacım bizə gəlmişdi, evimizi yığıb-yığışdırmaq üçün. Əlimiz dinc durmadı, anamızın sandığını açdıq.
İçindən onun özünə aid olan əşyalardan başqa, bizim ilk dəfə ANA sözünü yazmağı öyrəndiyimiz birinci sinif dəftərlərimiz və o vaxt doğum evlərində uşaqlar dəyişik düşməsin deyə çarpayılarına vurulan 11, 7 və 3 nömrəli "birka"lar çıxdı.
Dəftərlərimizin üzərində adımız yazılıb, amma “birka”ları bilmirik hansı hansımızındı...
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
