Kulis.Az Məmməd Aslanın gənc yazar Sahilə İbrahimovaya həsr etdiyi şeiri təqdim edir.
Bir çılğın gözələ
Adəmlə başlayıb bəşərin ilki:
O ruh çəkər bizi öncüyə, qafil.
İnci öz qədrini hardan bilsin ki?!
Haqq səni bənzədib inciyə, qafil.
“Nizam ki: qurğunun, mülkün əsası!”
Nizam pozuldusa, zordu qisası!..
Hoqqabaz kimsələr Allaha asi,
Qıyma kərən basa, künc əyə, qafil!
Yüzü qarşı gələr; biri ər olsun!
Sənə sahib olsun, bəxtəvər olsun!
“Ağatlı gələnlər” niyə xər olsun?!
Nədən sevənlərin inciyə, qafil?!
Uğruna çıxana bozarma belə;
Əvvəl damcı düşər, sonra sel gələ...
Qismət inad şirdir,düşmə əngələ:
Dayanmazsan pəncə-pəncəyə, qafil.
Sən kamil sərraf ol: bu dünya—sərgin!
Üzülmə, gözündən qaçmasın mürgün!
İnşallah, qarşında görərsən bir gün:
Hər nə layiqdirsə qönçəyə, qafil!
Hər quşun öz yemi, hər kəsin bəxti:
Bu belə dövrandı, bu belə çərxdi...
Kim bilər hayanda qurulub təxti?!
Ha boylan Təbrizə, Gəncəyə, qafil!
Tale bir hakim ki: hökmü qətidir!
Qılıncdan kəskindir, tükdən itidir!
Gözəllik də xalqın öz sərvətidir:
Kimdi verən səni zənciyə, qafil!?
Bakı
23 may, 2013
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər