Bərk qorxuram ölümdən, Tanrım, özüm ölüm

Bərk qorxuram ölümdən, Tanrım, özüm ölüm
19 avqust 2015
# 14:24

Kulis ElSevərin şeirlərini təqdim edir.

çiçəklər öləndən sonra doğulur meyvələr

hər gecə

yatmamışdan öncə

dua edib

öpücük göndərirlər sənə

bilirəm

bu öpücüklərdən ulduz düzəldib asırsan göy üzündən...

səni tanımayanda çox böyük idim,

indi qızlarım səni tanıyaraq böyüyürlər...

bərk qorxuram ölümdən

amma kölgəmi öldürən qaranlıq da

boynumdakı kəndir də

qolumdakı qandal da

heç vaxt ölməyəcəksən deyir mənə

amma bərk qorxuram ölümdən, Tanrım

özüm ölüm...

qızım incə barmaqları ilə saçımı qarışdırır

mənsə...

eh, nə var e yaşamağa

o qədər bəhanə uydurum sənə

Tanrı olsaydım,

daha ədalətsiz olardım

bütün günahkarları əfv edərdim...

***

hər kölgədən o yana bir varlıq yaşayır

hər varlıqdan o yana bir ürək...

hər ömürdən o yana bir pəncərə var,

hər pəncərədən o yana qaranlıq...

gələcəyi keçmiş məmləkətdə bu günü yaşayıram,

bütün sədlər üzərindən aşanda kiçilir,

bir ömür yaşamadıqca bitir

xatirələrdən qurtulmağa nə var axı

xatırlamırsan heç nəyi

qaranlıqları, kölgələri, dənizləri...

adınız nəydi,

yazdığım şeirə sənin adini qoyacağam, qıvırcaq...

***

otel otağında

daşı ölmüş divar saatından kədərli

nə var həyatda, qadınım.

yaxşı ki, susa bilir hər şey

ağaclar susur,

yarpaqlar susur

çiçəklər, çaylar,

torpaqlar susur...

insan da susur, qadınım...

qapılar taqqıldayaraq susur...

gəl bir tas nərd ataq

qorxma, uduzmayacam...

# 1178 dəfə oxunub

Oxşar xəbərlər

Milli düşüncə tariximizdə Mir Cəlal - Elnarə Akimova

Milli düşüncə tariximizdə Mir Cəlal - Elnarə Akimova

14:00 26 aprel 2025
İndiki yazıların çoxunu o qəzet-jurnalların qapısından buraxmazdılar - Fəxri Uğurlu

İndiki yazıların çoxunu o qəzet-jurnalların qapısından buraxmazdılar - Fəxri Uğurlu

10:00 26 aprel 2025
Məmməd Orucla bir gün... - VİDEO

Məmməd Orucla bir gün... - VİDEO

09:40 23 aprel 2025
"Kəramətin üzünə gülən dostları əl altından qarşı tərəfə işləyir" - Rasim Qaraca

"Kəramətin üzünə gülən dostları əl altından qarşı tərəfə işləyir" - Rasim Qaraca

14:20 21 aprel 2025
“Beyrək” pyesində postmodernlə antik mətnlərin dialoqu - Elnarə Qaragözova

“Beyrək” pyesində postmodernlə antik mətnlərin dialoqu - Elnarə Qaragözova

16:40 16 aprel 2025
"Milli kitab 10-luğu" - "Bir gəncin manifesti"

"Milli kitab 10-luğu" - "Bir gəncin manifesti"

09:00 16 aprel 2025
#
#
# # #