Kulis.Az Aqşin Babayevin “Ən qısa hekayə” müsabiqəsinə göndərdiyi “Vətən” (468 işarə) hekayəsini təqdim edir.
Qonşum dənizdən tutduğu balıqlardan üçünü mənə gətirmişdi. Kapron torbaya əl vuranda balıqlardan biri çabaladı. Oğlum sevindi.
- Gəl bu balığı dirildək, ata.
Qabın içərisinə su töküb balıqları oraya saldıq.
- Diriləcək !
Bunu oğlum deyirdi. Ölməyən balığın quyruğundan yapışıb silkələdi.
Balığın üzgəcləri bir də tərpəndi. Sonra dayandı.
- Nə oldu, ata ? Dirilməyəcək ?
- Onu dənizdən, yurdundan ayırıblar, oğlum. Vətənindən ayırıblar. Vətənsiz yaşamaq olmur.
Oğlum heyrətlə balığa baxırdı, balıq da Vətən həsrətindən daşlaşmış gözlərilə bizə.
Bizi Telegram-da izləyin
t.me/kulis_az
Bizi Instagram-da izləyin
Bizi Facebook-da izləyin
Bizi Twitter-da izləyin
