Kulis.az Əli Rzazadənin “Ən qısa hekayə” müsabiqəsinə göndərdiyi “Eşq” (496 işarə) hekayəsini təqdim edir.
Pərvanəsi yoxa çıxmışdı. Ürəyinə min bir fikir gəldi Şamın. Bəlkə bir başqasına...
Yox, ola bilməz! O bəxtimin Pərvanəsidir. Yana-yana boynu büküldü Şamın. Gözünün yaşı ayaqlarına süzüldü. Birdən qanadı qırılmış Pərvanəsini gördü ayağı altında. Uça bilmirdi.
O əllərini uzadıb Pərvanəni götürdü. Həsrətdən bükülmüş belini dikəldib göz yaşından onun qanadına sürtdü. O qanadlanıb Şamın başına dolandı. Özünü oduna vura-vura öpdü alışan gözlərindən, nəmli dodaqlarından.
Pərvanə qanadlarını cütləyib Şamın belinə dolandı. Əriyən damcılar onu əbədi şamın sinəsinə qərq etdi.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər